{ LIFESTYLE }
13 Jun 2019
iKON隊長B.I被爆買毒品 IG宣佈退團:「感到抱歉同羞愧」

貴為韓國三大娛樂公司之一嘅YG娛樂,旗下藝人都係韓國當紅藝人例如有BLACKPINK,IKON同WINNER等,但年初BIGBANG成員勝利所經營嘅夜店Burning Sun懷涉嫌藏毒後,令唔少粉絲相當失望!昨天韓國媒體Dispatch更獨家爆料,指iKON隊長B.I涉嫌買毒品,仲上載佢同賣家嘅對話,震驚各界!其後B.I宣佈退出IKON,而經理人公司YG亦表示與對方解約!



IKON隊長B.I昨天被爆涉嫌買毒品!


B.I係對話中向賣家A主動購買毒品迷幻藥LSD,原本A有向B.I表示唔好掂毒品,但B.I就透露自己想做天才,更指想一生都食,「這個很強嗎?買3個好嗎?錢要省着用,你買的話會有折扣嗎?」



而對話源自2016年8月,係因為警方逮捕賣家A發現其手機有該段對話,但最後未知咩原因而不了了之。媒體指當時其實有充足證據指,B.I有吸毒之嫌,但警方未有對B.I進行任何調查。


昨天B.I被爆出醜聞後,透過IG道歉並指自己曾因太累想依賴毒品,但因膽小而無付諸實行,「即使如此,對於我錯誤的言行而失望的粉絲與隊友,感到非常慚愧及抱歉。我會反省自己的錯誤,退出組合」。



退團消息一出後,好多粉絲相當痛心,有唔少網友就認為YG嘅負面新聞經常與毒品有關,好似BIGBANG隊長G-Dragon、T.O.P,直言「YG係藥局!」,並指就算旗下藝人音樂才華無論有幾好品格,但做人無人格,都係無用!

News
Feature
Blog
Load more
 
NOTIFICATION