日前適逢重陽節，林芊妤（Coffee）帶同兒子上山拜祭先人。作為瑜珈導師，Coffee 日常大部分的衣著都是運動輕便型的瑜珈褲，重陽節當日亦然。然而 Coffee 穿著瑜珈褲上山掃墓卻引起部分網民熱議，認為她「死人要睇，生人都要睇」、「佢個個性就係咁，喜歡人睇，驚死人唔認得佢呀嘛」Coffee 之後反擊：「30days of leggings」，更揚言要為喜歡穿瑜珈褲的女生出啖氣！

• 

• 

發起「30days of leggings」

• 

• 

Coffee 事後對網民言論感不公，繼而發起「30days of leggings」。「我有嘢講：係香港女仔著 leggings 輿論一直冇減退過，好與壞各執一詞，某部份人更加將『女仔着瑜伽褲』貼上壞標籤，但我唔明白點解着自己鍾意嘅衣著出街都要俾人討論？如果你覺得我哋着得唔靚又貼身又肥又露，難道我哋又一定覺得你嘅衣着好好睇？」

「我想講喺呢個世界上需要討好既人就只有自己，自己鍾意着咩出街唔到其他人理（只要合法），既然點著都會被標籤既話，我著我嘅事，由我自己標籤。我決定嚟一個 「30days of leggings」，無論食飯行街去Event去買餸，任何諗得出嘅場合都着leggings (情況許可既話）。我要話俾所有人聽我鍾意着咩衫係我話事！唔係你。」

網民留言示支持

Coffee 發控訴文後引來不同網民留言支持，有網民說：「其實著leggings有咩問題？」、「一般話得人地衣著打扮嘅女仔，都係覺得自己身材唔靚唔敢著呢啲衫嘅人，由佢哋自卑啦！」、「我中意著乜就著乜，我滑完浪著 bikini，都係粒住件毛巾褸就搭車番屋企添！吹咩～」

Photo Source: coffee89921 @ Instagram