{ LIFESTYLE }
26 Sep 2018
S.H.E三人確認離巢 團體名恐怕變歷史?

台灣女子天團S.H.E今個月中先係台灣舉行成軍17週年紀念演唱會,當中Ella更帶埋仔仔勁寶上台,成為唔少粉絲茶餘飯後嘅話題。早前亦有報導指Ella將會離開舊公司,成立個人工作室,仲話會簽埋兩位好姊妹Selina同Hebe,不過未被證實。今日終於有結果,S.H.E所屬唱片公司華研宣布,三人將在9月底約滿後不再續約,並各自成立公司,換言之S.H.E有機會面臨解散!!

S.H.E

S.H.E

有報導指,其實早於10年前S.H.E已經有離巢念頭,皆因三人理念與華研不同,當中提到其他天王天后例如周杰倫與蔡依林都有與外國歌手合作,而佢哋出到17週年,並沒有特別合作計劃,被指作風過於保守。

S.H.E

不過S.H.E亦飲水思源,未有因此真係離開華研,並覺得自己是由對方一手栽培,念在舊情,一直與華研保持良好關係,並繼續續約。

S.H.E
S.H.E

S.H.E離開華研已成定局,消息傳出後公司股價一度下跌。其實佢哋離開對於華研影響十分大,因為S.H.E可以話係為華研嘅經濟支柱,三人代言合共過億台幣。不過公司繼續持有專輯版權,若未來任何公開演出涉及翻唱,S.H.E都要俾版權費。

S.H.E

對於S.H.E全體離開華研,粉絲睇法兩極,有粉絲擔心日以後唔可以再睇到「S.H.E」,團體名成為歷史。不過都有粉絲認為佢哋可以更自由掌握自己想嘅工作,並指出現在有好多一線歌手經理人合約同唱片約分開處理,所以唔覺得有太大影響。

S.H.E




Source:Facebook
Text:Alina Wan

KEYWORDS / S.H.E
YOU MAY ALSO LIKE
News
Feature
Blog
Load more
 
NOTIFICATION