{ LIFESTYLE }
19 Dec 2018
41歲楊謹華唔做「敗犬女王」 IG宣佈加入人妻行列!

憑著台劇《敗犬女王》一炮而紅嘅楊謹華,琴日係Facebook宣佈已同拍拖2年嘅圈外男友Ben正式登記結婚!佢留言表示從今日開始,身份唔再係楊小姐而係陳太,「對於這新的身份我非常喜歡,也非常珍惜。」好多楊謹華圈中好友知道消息後,都祝福二人白頭偕老!

楊謹華

楊謹華

其實二人拍拖一直以結婚為前提,早於今個月月初楊謹華出席活動,當被問到婚期時,佢就透露可能會先登記,即使唔搞婚禮都可以接受。估唔到隔咗幾個星期,就傳來好消息。其後問到楊謹華點解會揀昨日登記,就指只係感覺到了就結婚。


楊謹華

楊謹華

過往楊謹華曾與圈內人拍拖,好似係
朱孝天同懷秋,其後就與曾一度談婚論嫁嘅攝影師男友柯朝璋相戀,可惜戀情都係無疾而終,佢透露試過失戀時傷心到想跳樓自殺!

楊謹華

楊謹華

楊謹華



直到兩年前遇上老公Ben,大家有著同樣嘅信仰,十分欣賞對方明事理,相處起來好自然,非常有安全感,唔會好似過往嘅男友咁鍾意挑剔。所以今次楊謹華宣佈自己成為人妻嘅同時,留言時都有同老公甜蜜表白,指由一齊嘅第一日起,每次見到對方都係溫暖嘅笑容及滿滿嘅愛,「在這1095天的日子裡,謝謝有你,愛讓我們相互扶持,相互照顧,相互成長,在未來的日子裏,我們要繼續糾纏一輩子哦~

楊謹華

楊謹華

Source:Instagram
Text:Alina Wan

News
Feature
Blog
Load more
 
NOTIFICATION