{ LIFESTYLE }
08 Mar 2019
G.E.M.突然宣佈與經理人公司解約:「冰封三尺非一日之寒」

去年正式踏入樂壇10年嘅歌手鄧紫棋(G.E.M.),初出道到爆紅都一直飲水思源與其經理人公司「蜂鳥音樂」簽約,話咁快已經合作11年,更係G.E.M.嘅微博同Instagram不時見到佢同經理人張丹嘅合照!不過G.E.M.昨晚突然透過facebook發聲明,宣布同經理人公司即時解約,更寫下千字文訴心聲。

鄧紫棋, G.E.M.

鄧紫棋, G.E.M.


G.E.M.聲明中一開首就寫道,「這輩子除了我爸爸,你們曾是我最信任的男人吧。可惜我們終於來到,一個句號。」佢表示呢幾年一直係唔公平嘅情況裡嘗試調整自己心態,面對公司各種嘅問題都選擇忍讓,但直到幾個月發現公司的嚴重違約,都希望可以透過和平嘅方法解決問題。

鄧紫棋, G.E.M.

佢直言自己已經盡咗力,呢3個月都一直透過律師同經理人公司溝通,但卻收到公司未經自己同意而簽下嘅合約,「我甚至在一月底一度以為我們和解有望,所以我也終於唯一一次在微博上寫了關於巡演Part 2的事情。沒想到最終還是和解不了,而他們繼續漠視事情的嚴重性,繼續公佈新的場次。我很無奈,因為我真的不希望把事情鬧大。」

鄧紫棋, G.E.M.

鄧紫棋, G.E.M.

雖然G.E.M.已發出聲明宣佈與經理人公司終止合約,但早前已宣佈落實舉行嘅演唱會,G.E.M.表示蜂鳥音樂唔主動提出取消演唱會嘅情況下,自己都會如期開騷,為嘅只係唔想買飛嘅歌迷失望同影響到各地嘅主辦方!

 鄧紫棋, G.E.M.

鄧紫棋, G.E.M.


G.E.M.最後係聲明中更寫到,「冰封三尺非一日之寒。」佢坦言係漫長嘅商討過程中感到絕望,並指今次要stand up for myself,「我不希望最終要走上法庭,但如果這是唯一能尋找到公義的途徑,這一次我會勇敢面對,絕不退縮!」希望G.E.M.之後可以又新嘅一頁喇!

鄧紫棋, G.E.M.



Source:Facebook
Text:Alina

KEYWORDS / 鄧紫棋, G.E.M.
YOU MAY ALSO LIKE
News
Feature
Blog
Load more
 
NOTIFICATION