郭富城最重視女兒家教 堅持每日做運動保持正能量

2017年與方媛（Moka）結婚嘅郭富城，今後育有一對女兒Chantelle和Charlotte，近日受訪時就提到教育囡囡嘅方法。城城表示最重視女兒嘅家教，又分享自己保持正能量嘅方法！

城城表示從女兒小時候開始，就開始教導她們待人接物要有禮貌，每當收到其他人嘅禮物都要女兒講多謝，「因為我覺得呢個係一個禮貌，你會懂得去珍惜或感恩人哋畀你嘅嘢，你會從真心去講畀人聽『I’m thank you, thanks for your gift』。」又表示認同施比受更有福，「我好相信呢一樣嘢，因為我哋唔係要回報，而係要去分享。」

其後節目主持人提到城城是公眾學習的好榜樣，城城聞言後就坦言世上絕無一個人是十全十美，自己只是在能力範圍做到100分，「我覺得應該要活在當下，應該要享受呢一刻裏面想做嘅嘢，盡咗自己嘅努力去做，無愧於自己，呢個先係最重要。」

除此之外，朋友同樣在人生中擔當重要角色，因為不是只有自己一個人生存，「當你唔開心時，可以同你嘅朋友傾訴，你一定要去傾訴，將你唔鍾意嘅地方講出嚟，朋友可能畀到好多唔同嘅意見你。」至於保持正能量的方法，城城就指自己用做運動來建立，唔容許自己偷懶！

+ Favorite

< PREVIOUS

韓國11月11日=國民脫單日?送朱古力棒意味...

NEXT >

鍾達茵Pam從後走到幕前創作以現今職業女性覺度出發