{ LIFESTYLE }
19 Apr 2018
果幾日性慾特別旺盛?關於經期性愛的二三事

月經對於唔少sis黎講都係一件苦事,特別係有經痛問題既sis更可能影響工作及日常生活。不過有部份女仔亦會感覺得係來經期間,性慾反而更旺盛,但就要忍著親熱既慾望。究竟點解會咁?經期性行為又有咩要注意?



因為荷爾蒙問題令性慾增加

於月經來潮時,動情激素及黃體素都會下降,但另一方面男性荷爾蒙就會上升,以上荷爾蒙既改變會令部份既女仔性慾增強。

另外,由於月經期間陰道會變得更濕潤,亦係令女生更想享受性愛既原因之一。



一定要戴安全套

於月經期間,子宮頸既血液流通處於更開放狀態,所以有更高被感染既風險。而且女性排卵時間有機會同月經重疊,加上精子可以於體內存活3至5日,一樣有機會有BB架!



注意清潔及體位

為左避免房間成為血案現場,於親熱時記住要避免太過激烈既體位,並且可以放置毛巾於腰下。另外,記得於安全舒適既地方進行,唔好造成加倍既唔舒服。

只要伴侶都接受,其實於經期間親熱一樣係可以既〜不過記得注意衛生同安全呀!

source: 《春嬌救志明》劇照 
News
Feature
Blog
Load more
 
NOTIFICATION