{ LIFESTYLE }
08 Feb 2019
內地女豪洗10萬整容要「Baby眼、熱巴鼻」 下場超悲劇!!

近年整容風氣都算係十分盛行,好多女士都會去執一執,務求變到心目中最理想嘅樣子。近日內地杭州一位叫小張嘅女生,為咗變靚就不惜豪洗10萬去整容,佢嘅要求相當簡單,只係希望醫生幫佢整到「Angelababy對眼、迪麗熱巴嘅鼻」,不過最後成果出咗黎,竟然激到小張要求整容診所賠錢,究竟整成點呢?!






原來當初小張提出自己嘅要求後,院方仲表示:「可以的,只要妳願意出錢都可以。」其後就進行咗隆鼻、開眼角等手術後。小張透露為咗令手術更順利,搵咗一張相俾以上作參考,手術至今已經一個月,效果比想像中差好多,就連佢嘅同事都講,「你呢十萬洗咗去邊?一啲都睇唔到效果,同跟之前無做一樣。」


同事嘅評價令小張相當無奈,佢直言,「除咗鼻子圓咗,而唔係尖,眼睛都仲係咁細,因為我本來就係雙眼皮,我話要Angelababy款,係完美個種,但而家一啲都唔好睇。」


對於小張嘅指控,整容診所表示要半年後先睇到整體效果,如果唔滿意可以為對方提供協助,不過主診醫師更駁斥無可能整到同明星一樣,搞到小張好激氣,「就算我俾他們幾年時間,都恢復唔到想要嘅樣,我當初講得好明白,想要邊一種,你們做唔到,就唔好答應嘛!」




Source:微博
Text:Alina

YOU MAY ALSO LIKE
News
Feature
Blog
News
Feature
Blog
Load more
 
NOTIFICATION