{ LIFESTYLE }
26 Apr 2018
行內人睇戲睇到一肚氣FB怒插 原來係關袁偉豪事

每逢去睇戲大家無論係講嘢、 睇電話甚至係食嘢,都會小心翼翼,盡量唔會發出太大嘅聲音騷擾到其他觀眾。昨晚適逢係電影《復仇者聯盟3:無限之戰》上映,電影公司亦特別舉行特別場,邀請圈中行內人一同觀賞。見到好多觀眾睇完都大讚電影超好睇,可惜有一位圈中幕後人員就話睇完一肚氣,因為自己遇到一位TVB嘅男藝人,仲忍唔住係facebook出post公開對方嘅「惡行」。而呢一位TVB嘅男藝人,原來就係袁偉豪!!!

袁偉豪

幕後人員個post就寫到,「遇到一個自以爲天王巨星嘅TVB男artist,從好多TVB前輩口中都聽過呢位上位中嘅小生態度非常差。未開場我朋友同我傾偈,佢以為我朋友望佢,佢已經用非常唔友善嘅眼神『睥住』我朋友。」不愉快事件而家先開始發生,話說幕後人員係電影開始時就準備食之前購買嘅薯片,「佢竟然用極差嘅語氣同我講,你細聲啲!』我好肯定我係冇製造任何不必要嘅聲量,丫巨星不如你表演如何食薯片完全冇聲?你咁驚聽到任何電影以外聲音,你點解唔自己包個戲院睇啦嘛,咁咪冇聲咯。」

袁偉豪

呢位幕後人員認為自己無講野同睇電話聽信息,唔會發出任何聲音,「而且坐得係呢個area嘅都係被主辦邀請嚟嘅人,簡稱行內人,你要覺得自己有幾紅先會用咁冇禮貌嘅語氣同人講嘢?真係火都嚟。」

袁偉豪

事件發生後,袁偉豪就主動在個人Facebook內承認事件並發表千字文,澄清無用不友善的眼神望著佢哋,「我只有對著當時正在進食nachos時把包裝發出聲響的那位朋友在他耳邊輕聲説聲:「唔好意思,可否細聲一點?」這位朋友就回應我一下並且表現得很合作,直至電影最後出字幕的一刻,這位nachos 先生旁邊的朋友就向我連聲說道:「咁x巴閉包場睇戲呀嗎!未聽過人講話睇戲不准進食!什麼大明星!咁X巴閉,點解要攞免費飛睇呀?」等等⋯⋯對方説:得!我一定(將事件)擺上網,總之坐咗係你隔離嘅就唔係二打六!我跟他點頭之後我便跟我幾位圈中朋友離場!」

袁偉豪


袁偉豪其後再指,大家都是主辦單位邀請來的賓客更是沒有分高低你我,並不想和這位幕後人員有什麼口舌之爭,只是想為我自己做過的事負上責任,無論你是「行內行外人又或者是什麼人也好」只是希望大家可以説一點道理和給大家一些基本尊重。

Source:袁偉豪facebook

Text:Alina Wan

KEYWORDS / 袁偉豪
YOU MAY ALSO LIKE
News
Feature
Blog
News
Feature
Blog
Load more
 
NOTIFICATION