{ LIFESTYLE }
30 Jan 2019
勝利首爾開設夜店爆性侵風波 
 網友到青瓦台請願查出真相

即將係今年入伍嘅韓國天團「BIGBANG」成員嘅勝利,其兩年前係韓國首爾開設嘅夜店「Burning Sun」日前被爆出醜聞,有客人控訴去年到夜店消費期間,替一名被性騷擾嘅女子解圍,竟遭夜店保全安「集體施暴」,事後又爆出該名受害女子其實係被夜店人員企圖下藥性騷擾!有粉絲認為事件涉及嚴重人權侵害,除咗要勝利出面解釋之外,仲「上書」政府青瓦台查明真相。

勝利

勝利

其後韓國傳媒亦播出當晚係夜店拍攝到嘅閉路電視片段,見到保安將一名男子大力拉出門外,男子不堪外力跌係地上,保安隨即用拳頭連續痛打該男子。事後該名男子打電話報警後,獲警方調查事件。不過事件竟然有戲劇性發展,警方稱與夜店負責人交談後,係無睇閉路電視同入夜店調查情況下,並將被保安毆打嘅男子逮捕!

勝利

該名男子直指不理解自己點解會變成加害人,並出示醫生證明,表示因被保安毆打而斷咗3條肋骨,整整住院5個星期。遭性騷擾嘅女子向警方報案稱在夜店遭人性侵,但警方未有採取行動,夜店其後更刪除相關CCTV短片。至於網上流出的短片疑為夜店職員拍攝。

勝利

另外,韓媒指原本擔任夜店CEO一職嘅勝利,據知上周已辭任CEO,夜店職員指Burning 雖然勝利有參與夜店的營運,但他實際上並非夜店持有人。

勝利

事件發生至今變成「羅生門」,不少網友紛紛到勝利IG留言要求解釋清楚,甚至有人到「青瓦台請願版」留言,今早8時已突破21萬網民聯署,據當地法例,只要超過20萬網民聯署,相關部門便要受理。

勝利

Source:Instagram
Text:Alina wan

KEYWORDS / 勝利
YOU MAY ALSO LIKE
News
Feature
Blog
Load more
 
NOTIFICATION