{ LIFESTYLE }
14 Jan 2019
曹永廉「冰封」童顏勁牙擦:身邊老友冇個keep到!

曹永廉(阿廉)、唐文龍、楊卓娜、漢洋與譚嘉荃等人,日前為醫美中心擔任開幕剪綵嘉賓,吸引大批巿民圍觀,場面墟冚,有份主演熱播劇《大帥哥》的阿廉大受歡迎,獲不少巿民索合照,人氣爆燈。54歲的阿廉,不單止人氣勁,保養得宜的他,近日更獲網民封為「冰封俠」,問到阿廉的美容心得,他笑言後生時沒有特別保養,純天然,但有感近年出現衰老跡象,故此多了關注儀容,多做保濕、敷面膜、Facial等,又會注重健康飲食少糖少鹽,「其實最重要係心態,開心,個樣就會後生。」

曹永廉

曹永廉

曹永廉

問到阿廉身邊朋友中,覺得邊位跟他一樣保養得宜?他笑言身邊個個朋友都保養得不好,他更點名指鄭嘉穎、黃智賢、蕭正楠老得快,他說:「我身邊個個朋友都keep得唔好,你問我身邊邊個朋友老得好快呢?一定係最老友嗰幾個,大家都知道啦,嘉穎心皺晒皮,另外黃智賢個樣睇落仲大過我,但其實佢年紀係細過我;仲有蕭正楠,有啲劇佢可以做我阿哥,佢真係要檢討下!所以喺我身邊嘅人老得快,不代表我後生,希望佢哋注重下,尤其是嘉穎唔好咁勞碌。」

曹永廉

提到《大帥哥》收視高、口碑好,阿廉亦聽到不少同事大讚劇集好睇,令他感到十分高興。農曆新年將至,阿廉表示將陪伴家人四出拜年,問到他會否叫已宣布婚訊的蕭正楠封大利是給他?阿廉笑說:「今年佢揚晒,都幾大鑊!不過佢好孤寒!唔會封畀我,叫佢封畀我啲小朋友,我啲仔女曾經當佢係偶像,雖然佢而家結咗婚,我個女對佢冇晒興趣,但都希望佢會封番封大利是畀佢哋。」

曹永廉

Text:Alina Wan

KEYWORDS / 曹永廉
YOU MAY ALSO LIKE
News
Feature
Blog
Load more
 
NOTIFICATION