{ LIFESTYLE }
09 Apr 2021
【餓底送上門】盧頌恩初嘗鋼管舞呻年紀大 李尚正打拳唔憐香惜玉

由李尚正、盧頌恩(妹頭)主持的香港開電視王牌節目《臥底旅行團》以及去年播映的《餓底外賣員》,均贏得收視同口碑,為延續二人精神,他們主持的全新節目《餓底送上門》將於周一(12日)晚上十時三十分,於77台香港開電視首播。今輯節目繼續以「在家」消費為題,在疫情嚴重打擊下,香港各行各業為掙扎求存被迫轉型「送上門」,節目中,兩位主持將以身試探,測試各種上門服務有否中伏危機!

節目中,合作無間的李尚正與盧頌恩,「在家」玩盡打泰拳、鋼管舞、健身、按摩、種菜、美髮等上門服務,其中妹頭表示對玩鋼管舞最為難忘,她說:「第一次試玩,估唔到喺屋企都可以玩,真係幾難忘,加上Miss(鋼管舞導師)又好性感,其實事前自己都驚招架唔到,到真正試玩嘅時候,我同阿正(李尚正)仲重到上唔到條鋼管,令自己好大挫敗感,話晒自己之前都跳過舞,但而家自己連鋼管都上唔到,真係年紀大喇。」

除了鋼管舞之外,妹頭指跟李尚正打泰拳亦十分惹笑,她說:「我哋都未學完嗰堂泰拳,已經忍唔住要對打,見到阿正就好想打佢,阿正都唔會憐香惜玉,我哋成日狗咬狗骨,佢都唔係好當我係女仔,最終梗係阿正贏啦。」

News
Feature
Blog
News
Feature
Blog
Load more
 
NOTIFICATION