{ LIFESTYLE }
04 Nov 2019
【睇邊套?】2020年賀歲片大戰!港台男神黃子華Vs彭于晏!

仲有唔夠兩個月就踏入2020年,但社會氣氛不佳,令電影院商都向電影公司建議議賀歲片最好以喜劇為主,希望觀眾入場可以開心。而明年大年初一為1月25日,已經落實有3部喜劇片上映,包括由男神黃子華自導自演嘅《乜代宗師》、黃百鳴嘅《家有囍事2020》、以及由李璨琛監製嘅《大盜演》。另外亦有由台灣男神彭于晏主演嘅《緊急救援》,以及陳可辛執導的《中國女排》。





香港觀眾近年十分支持港產賀歲片,據知男神黃子華嘅《乜代宗師》是自掏腰包全資拍攝,而電影亦拍畢不久,至於電影題材則是勵志動作喜劇,講述飾演拳手嘅劉心悠偶遇乜代宗師黃子華,二人在不打不相識下結下情緣。


其實去年子華神都有賀歲片上映,就係同老友佘詩曼合拍嘅《棟篤特工》,票房都有四千五百萬,成績不錯!



而其餘幾部賀歲片演員陣容亦十分強勁,《家有囍事2020》當然有台柱黃百鳴,以及張智霖、張繼聰、周秀娜及陳靜。而《大盜演》則有今屆金像獎影后曾美慧孜、詹瑞文及秦沛等主演。



如果唔想睇喜劇賀歲片嘅觀眾,則可以彭于晏主演嘅《緊急救援》或陳可辛執導嘅《中國女排》,但兩套電影都與內地合拍,未知到時會否有觀眾響應罷睇。


News
Feature
Blog
News
Feature
Blog
Load more
 
NOTIFICATION