{ LIFESTYLE }
22 Aug 2018
梁漢文化身捐血大使獲歌迷行動支持:第一時間即刻應承

梁漢文整(Edmond )日前獲慈善團體「仁美清叙」擔任「仁美清叙捐血人士召集日」活動的捐血大使,對於獲邀擔任今次活動大使,梁漢文直言相當榮幸︰「今次獲主席程瑤Donna邀請我做捐血大使,我即刻應承,希望可以有更多人關注,幫助更多人,自己對上一次捐血係大約一年前,所以今次有機會都想再來支持一下。」

 梁漢文

 

他亦感謝一班歌迷晨早便來到捐血站︰「我會叫多啲朋友去捐血,朋友同歌迷都會,好開心今日有歌迷嚟支持咁有意義嘅事。畢竟我已入行一段時間,有啲小歌迷已經長大晒,有啲仲有埋小朋友,佢哋都嚟捐血。」而程瑤坦言今次活動參加的人數比預期好,不過她發覺好多男仔都驚抽血,笑言邀請唔同朋友來支持時,女士們就好爽快話ok,反而男士就好似好抗拒。」

梁漢文

梁漢文聞言後表示︰「我反而唔驚呀,自己每年都有body check ,會去抽血,護士會問我驚唔驚,我就唔驚,我知道有啲人會唔敢望,但我就會望住隻手,睇住護士幫我抽血。」他還講笑稱︰「睇住抽血,第一反應係問點解抽咁多血嘅?不過呢啲都係同護士講笑,其實捐血真係唔使驚,唔痛嘅,又可以幫到人,好有意義。」

梁漢文

Text:Alina Wan

KEYWORDS / 梁漢文
YOU MAY ALSO LIKE
News
Feature
Blog
Load more
 
NOTIFICATION