{ LIFESTYLE }
24 Jun 2021
港版《大叔的愛》下週終於有得睇! 登神CP有望今秋登陸日本

日本BL神劇《大叔的愛》2018年播出後大受歡迎,早前ViuTV更宣佈已購買版權,並找來人氣男子組合MIRROR成員Edan(呂爵安)、Anson Lo(盧瀚霆)及黃德斌主演,話咁快下週即將播出,粉絲真係必定每晚死守直播!近日就有報導指日本朝日電視台已取得劇集播映權,意味著Edan同Anson Lo衝出香港!


今年3月《大叔的愛》首支宣傳片播出,中見到飾演牧凌太嘅Anson Lo將Edan推倒在床上,搞到Edan臉紅心跳,至於部長黃德斌又化身「暖男」為佢炮製愛心飯盒,面對兩男強烈攻勢,令Edan忍唔住大叫:「我凈係鍾意大波妹㗎咋!」成功引起討論!其後更有快餐店找來Edan、Anson Lo仲有姜濤,3男上演三角愛情故事!

港版《大叔的愛》講述單身、異性緣欠奉地產代理田一雄([email protected] 飾演),某日意外發現上司翟國強KK(黃德斌 飾演) 手機裡竟存有大量偷拍他相片。眼見秘密敗露,KK只好直接向阿田告白,更與結婚廿載妻子Francesca(簡慕華 飾演)提出離婚。另一方面,阿田姊姊因懷孕而要離家養胎,剛巧新同事凌少牧(Anson [email protected] 飾演)正在尋覓住處,於是便搬到阿田家與他成為室友。當阿田苦惱該如何應對KK時,同樣暗戀他阿牧竟同時表露心意,更與KK展開了激烈芳心爭奪戰,令阿田平靜生活發生了翻天覆地改變。



News
Feature
Blog
Load more
 
NOTIFICATION