{ LIFESTYLE }
17 Oct 2019
【終於開騷】謝霆鋒紅館騷夢碎 移師澳門舉行「鋒味搖滾美食節」

謝霆鋒從偶像歌手到廚神,更將愛好變成副業,希望同粉絲一齊分享美食,更有Chef Le Mon」稱號!不過其實有好多粉絲都好懷念係舞台上拎住結他唱歌嘅霆鋒,去年嘅元旦日謝霆鋒為叱咤樂壇流行榜頒獎典禮頒獎禮擔任神秘嘉賓,大唱經典歌,搞到唔少粉絲都希望霆鋒可以開騷!演唱會地點由紅館傳到大球場,再到迪士尼都未落實,霆鋒日前受訪時就透露紅館開騷夢碎!





霆鋒係訪問中已入紙紅館兩年都拒批期,只有明年4月其中兩日有期,令佢相當無奈。據知,如果紅館可以舉行演唱會,霆鋒希望可以將演唱會舞台變成紅館變成巨型太空船,在樓梯裝上LED燈,務求令粉絲不知自己身處紅館中。




雖然紅館騷夢碎,但都未有令霆鋒氣餒,佢係下個月月底將於澳門舉行「鋒味搖滾美食節」,將搖滾和美食合二為一。顧名思義,當然係睇騷之餘又可以食嘢,仲邀請咗同公司嘅歌手,包括好友容祖兒、羅力威、許靖韻、JW以及樂隊Mr.擔任嘉賓。




霆鋒更表示計劃完成澳門首站後,明年仲會係東南亞巡迴,無限期舉行咁話,粉絲真係唔可以錯過!



News
Feature
Blog
Load more
 
NOTIFICATION