{ LIFESTYLE }
21 Jun 2018
黎諾懿多謝鍾嘉欣帶挈拍廣告 「小春雞」學業老婆話晒事

「晒B狂魔」之稱嘅黎諾懿,日前以特別嘉賓身份出席德國有機奶粉品牌活動,並為BB爬行比賽擔任評判,令黎諾懿憶起囝囝「小春雞」的爬行階段,「作為父母,要好好珍惜這時間,因為實在太短暫,『小春雞』7個月大開始識爬,到11個月大學行,他由爬到行,只用了5日時間,而且雙手不需扶任何東西就可以行,比同年小朋友行得快。」由於「小春雞」太早識行,因此亦發生過唔少驚險意外,黎諾懿笑言:「BB距離感差少少,他經常行到最尾23步就飛撲埋嚟,有次因為咁而跌倒,跌到打了兩個斛斗,『小春雞』腳都瘀晒,雖然佢無喊,但我卻被老婆鬧。」

黎諾懿

黎諾懿


之前擔正《BB來了》,最近正忙於拍攝電視劇《C9特工》與《反轉貴利王》的黎諾懿,每日都爭取時間陪「小春雞」,作為父親的他最大心願是希望「小春雞」能夠講說話,他謂:「『小春雞』一向都有好多訴求,如果可以快少少懂事,表達訴求,唔好成日齋叫,咁我已經好安慰。」他續說,「小春雞」三個月大時已懂得叫爸爸,黎諾懿對此感到十分自豪,「佢第一句叫爸爸,第二句講街街,第三句講狗狗,最後一句先識叫媽媽,所以我老婆好嫉妒。」至於「小春雞」何時返學?黎諾懿表示囝囝已上playgroup班,不過有關仔仔學業的事,他將決定權交給太太:「我老婆有修養、有文化,所以個仔嘅學業,所有都交畀老婆處理,我只係負責畀錢。」

黎諾懿


早前黎諾懿拍攝電視劇《BB來了》,加上今次拍攝品牌廣告,又係同小朋友合作,佢笑言經驗十足:「好開心,今日呢度有好多妹妹,大家都知我好鍾意生囡,希望今日喺度接觸多啲妹妹,下年可以生番個豬女,其實而家已經努力進行中,一定要係豬女,希望全港巿民畀個生女嘅信念我!」如果生仔又點算?黎諾懿表示無論生仔或女,暫時都決定「收工」,兩個夠數。


黎諾懿

Text:Alina Wan

KEYWORDS / 黎諾懿
YOU MAY ALSO LIKE
News
Feature
Blog
News
Feature
Blog
Load more
 
NOTIFICATION