{ LIFESTYLE }
04 Nov 2019
張致恒經濟拮据做酒店散工 疑婚變老婆IG:「冇可能再返轉頭!」

張致恒Steven早前宣佈結婚後被踢爆一腳踏五船,成功為世人刷新三觀,成為藝人敬而遠之嘅「世紀賤男」。事後Steven係娛樂圈嘅工作幾乎係零,經濟狀況本身唔係好嘅佢,為咗老婆仔女更咬緊牙關,放下身段到酒店做散工。Steven亦相當有骨氣咁強調。自己絕對唔會咬老綜!

現時Steven痛改前非,為咗頭家日夜奔波,將全副心機放係自己嘅家庭上。但因為「偷食事件」後形象插水導致係娛樂圈無工開,後來被發現Steven為生計早已放下偶像身段,投身四星級酒店炒散,日做10個鍾無停手,為咗老婆仔女搏盡無悔!

不過兩公婆嘅關係似乎都面對緊挑戰,老婆雯雯係前晚突然上載一張只有三句文字嘅限時動態:「有啲嘢如果失望咗,就冇可能彌補到,亦冇可能再返轉頭。」即使引起網民討論,係咪Steven又「死性不改」激嬲老婆!



但到噚日雯雯又改口,話嗰三句嘢同Steven無關,更大讚Steven係好男人,「唔係一個人衰過就永遠都係衰嘅!人係會改變嘅!」,暗示自己係可以改變到Steven嘅唯一女主角。睇黎婚變疑雲只係虛驚一場,咁夾嘅兩人真係打風都唔甩~

News
Feature
Blog
Load more
 
NOTIFICATION