{ LIFESTYLE }
10 Dec 2019
龔嘉欣榮升大馬火鍋店老闆娘 傳與大馬富二代男友拍拖

出道11年嘅TVB女藝員龔嘉欣年前終憑劇集《幕後玩家》得成功彈起,而佢嘅緋聞亦一籮籮,最近佢就好開心咁係IG宣佈自己同朋友夾份係大馬開咗一間火鍋店,榮升做老闆娘!但日前就有報導就指原來嘉欣背後有「大水喉」大馬富二代男友Bryan支持,獲對方打本係大馬開舖!




報導指與嘉欣同齡,同樣都係30歲嘅Bryan幾年前已經認識。有傳Bryan經常力邀對方出席當地活動,同時知道女友事業心重,所以決定出錢俾對方開拓大馬飲食市場!




而係嘉欣嘅IG不時見到對方嘅蹤影,其中一張更係Bryan生日時,嘉欣就「咁啱」坐係旁邊。對於與Bryan拍拖一事,嘉欣其後回覆傳媒時就否認拍拖,強調雙方只是朋友,並表示明年一月到九月都要拍劇,無時間諗拍拖。



其實嘉欣嘅好友「少婦聯盟」嘅成員陳凱琳、沈卓盈同譚凱琪等都已經拍拖同結婚,相信唔少觀眾同粉絲都希望可以快啲聽到嘉欣嘅好消息!



YOU MAY ALSO LIKE
News
Feature
Blog
Load more
 
NOTIFICATION