馬國明可以話係唔少Sis心目中嘅男神，大家都好欣賞佢份貼地搞笑嘅性格，雖然去年未能獲得視帝獎項，但馬明感情生活就開始明朗化，不時與女友黃心穎公開晒恩愛。日前佢哋又拍住拖去支持藝人李霖恩嘅歌舞劇《我就嚟係歌手》。




馬明同心穎過往讀書時都曾經參加過話劇，仲話好想再次挑戰下咁話！至於會唔會介意同台演出？馬明就講笑話，「若酬勞OK，我梗OK！」真係一貫佢貼地嘅性格！至於心穎就話好想試下同男友一齊做下話劇，仲話最緊要有好對手！

睇完歌舞劇嘅心穎，之後仲係IG留言話，「好耐無睇歌舞劇喇！有啲衝動唱歌跳舞添」搞到唔少粉絲都話好期待佢可以同馬明一齊做舞台劇咁話！

Source：Instagram

Text ：Alina Wan