{ LIFESTYLE }
22 Nov 2019
金宇彬頒獎禮「婚戒」曝光 傳與慜娥已結婚?!

金宇彬早前抗癌成功,並首度復出擔任青龍電影節嘉賓。事隔兩年後首次公開露面嘅宇彬,依舊帥氣迷人,同兩年前分別不大。而頒獎禮中金宇彬仲被拍到右手無名指戴有金色戒指,同慜娥最近戴嘅戒指疑似同款,令人不禁懷疑兩人係咪已經拉埋天窗!



2017年嘅時候,事業處於高峰嘅金宇彬不幸患上鼻咽癌,無奈暫退娛樂圈對抗病魔。抗癌期間新慜娥一直守在身邊,甚至搬到金宇彬屋企附近照顧佢,可以話係絕世好女友。同時因為有佢嘅守護,金宇彬抗癌成功,亦有傳佢正準備緊復出娛樂圈嘅事。

先前兩人嘅好友亦爆料,指兩人有機會明年或後年就結婚。雖然兩人未公開回應結婚一事,但粉絲都覺得兩人經歷患難後,而家終於守得雲開見月明,就算已經完婚都一樣祝福!

News
Feature
Blog
Load more
 
NOTIFICATION