{ LIFESTYLE }
12 Jul 2019
鄧麗欣同粉絲鬥整甜品耍棍扑爆蛋糕 食完要減肥

鄧麗欣(Stephy)日前為慶祝歌迷會成立12周年,與約50位粉絲舉行一年一度的見面會,每年聚會都設有不同的主題。今年大玩廚藝比賽,美女廚神 Stephy 更落場炮製心太軟甜品,同時率領 9組粉絲自製甜品,再由她親自試食評分選出冠亞季軍!Stephy 笑言今次粉絲聚會令她付出沉「重」代價:「其實整甜品會落好多牛油同糖,真係好肥,我仲要試食晒咁多組嘅甜品,唔知要跑返幾多個圈先減得返喇!」





在試食環節時,鐵面無私的 Stephy 對粉絲的作品有讚有彈,當吃到「地獄級甜品」更會化身「女版 Gordon Ramsay」當面狠評,抵死啜核的評語為見面會帶來不少歡樂。此外,歌迷會特製了一個另類蛋糕送給 Stephy,她須以木棍用力扑爆蛋糕外層,才會吃到內裡的曲奇及糖果,別具心思。而在粉絲特設的「你問我答」環節中,當問到「最想合作的男演員」時,現場粉絲們紛紛大嗌「王子!」(Stephy男友邱勝翊),令 Stephy 哭笑不得!



見面會接近尾聲時,Stephy 感性地答謝一班出席的粉絲,答應將以作品及成績回饋粉絲,更提議明年聚會舉辦排球比賽:「多謝嘅說話唔講太多,太老土,認識我嘅人都知我係好實際,我會用我嘅成績、作品嚟直接報答你哋,希望嚟緊實現到你哋嘅夢想 - 開演唱會喇。」


News
Feature
Blog
Load more
 
NOTIFICATION