{ LIFESTYLE }
08 Nov 2019
蘇玉華認曾忽略公民身份意識:「係有咁多嘢值得我去思考同關心。」

舞台劇演員蘇玉華日前為電台節目《瘋Show快活人》擔任嘉賓時,就提到最近反送中運動令自己突然「覺醒」,直認過往只顧工作,忽略了應有的公民身份意識並表示,「而家嘅社會狀態,除非你乜嘢都唔理,你一定會不斷去問自己問題,亦希望去知多啲。」





蘇玉華指透過年青人的行為突然覺醒,才得知原來忽略了某個東西,「我覺得我係有咁多嘢值得我去學、去思考、去關心。」佢認為現在不可以只是抱著只顧做好自己的工作或變成一個更好的人,因為在參與的過程中,自身的投入和關心可以產生某些力量,令事件變得更美好。




佢之後坦言自己仍在不斷學習,希望可以與社會同行,尤其是關心下一代,因為未來嘅日子係屬於佢哋。佢亦用拍戲做例子,只現時有人搵佢拍戲係咪一定要接,「係咪會有人更加適合做?如果係嘅話,我情願畀人哋去做,因為,係要接班㗎,係要接力㗎,係有啲人要上嚟㗎,我覺得我哋應該關注下一代多啲。」直言不希望自己跌入一個「咩都唔理、咩都由得佢」嘅處境。



YOU MAY ALSO LIKE
News
Feature
Blog
Load more
 
NOTIFICATION