{ LIFESTYLE }
16 Apr 2019
與山P有個約會!68歲日本婆婆成最成功嘅「迷妹」!

最近正係韓國熱播嘅韓劇《她的私生活》,以追星生活為主題,劇情引起唔少「迷妹」嘅共鳴!而日前係日本,有一位68歲叫(裕美)嘅婆婆,就意外獲得一份超驚喜嘅生日禮物!話說裕美婆婆係山下智久嘅die-hard粉絲,屋企周圍都貼上對方嘅海報,孫女知道婆婆就快生日所以就做委託TBS電視台節目《人類觀察Monitoring》,安排佢同山P有個約會!!!

山下智久

山下智久

山下智久

孫女首先就約咗婆婆去一間餐廳食飯,帶著黑超出場嘅山P就係婆婆面前行過,但未有及時認得!之後山P就除下黑超,期間孫女就同婆婆講,「個個人好型呀!」點知婆婆聞言後就話,「我老花睇得唔清楚呀!」節目組聽到呢句說話都有點措手不及,即刻安排一位外國人登場!

山下智久

山下智久

外國人就用英文向婆婆詢問旅遊資訊,裕美婆婆聽到後都唔知點解釋,呢個時候山P就即上前解圍,裕美婆婆見到對方即刻難掩興奮心情手舞足蹈,因為見到自己心愛嘅男神!!

山下智久

山下智久

山下智久

山P向外國遊客解釋完後,裕美婆婆即刻起身飛撲到山P懷中,攬實對方並表示,「竟然可以係呢度遇到你!」之後仲不時攬實山P!期間山P就得知裕美婆婆即將生日,就邀請對方到晴空塔約會!

山下智久

山下智久

佢地「約會」期間,裕美婆婆一直翹實山P隻手,途中山P就問對方,「今年係幾歲生日?」裕美婆婆就正經地表示,「係我58歲生日。」裕美婆婆竟然報細10歲,搞到觀眾哭笑不得!

山下智久

山下智久

之後裕美婆婆同山P去咗一齊shopping同影貼紙相,不過當中最sweet嘅一定係佢地一齊食雪糕,因為期間山P有拎住自己杯雪糕餵裕美婆婆!

山下智久

山下智久

山下智久

最後婆婆得知道原來係孫女委託節目組,都相當意外,仲話估唔到可以同山P約會,講呢番說話期間當然都要翹實山P隻手喇!山P表示自己深深感受到婆婆對自己嘅愛,仲話好感激對方嘅支持!大家係咪好羨慕裕美婆婆呢?!

山下智久

Text:Alina

KEYWORDS / 山下智久
YOU MAY ALSO LIKE
News
Feature
Blog
Load more
 
NOTIFICATION