要數到TVB近五年大獲好評嘅劇集，其中一定包括《使徒行者》，之後仲拍埋續集之餘更拍成電影，成為一時佳話！而《使徒行者》演員陣容夠強勁，有佘詩曼、林峯、苗僑偉及許紹雄！日前阿佘就係微博，post咗同林峯一齊出席咗卓sir苗僑偉夫婦結婚29週年party，唔少粉絲見到佢地合照後，都留言話好掛住呢個組合。

點解粉絲會咁留言，可以話一啲都唔出奇，因為佘詩曼同林峯飾演嘅釘姐同爆seed，係唔少觀眾心目中嘅熒幕情侶，佢地係《使徒行者》中，見證著大家生死。而且佢地兩位已經離開TVB，所以令粉絲好懷念以前嘅煲劇時光。

當年阿佘仲憑劇集角色丁小嘉（釘姐）一角，奪得多個頒獎禮嘅視后！

除咗《使徒行者》之外，佢地之後都有係劇集有合作，例如《花花世界花家姐》及《歲月風雲》等等。

之後林峯都有係微博post出《使徒行者》3人組嘅合照，仲搞笑地用「卓sir」稱呼三哥，問係咪有新任務。搞到一班粉絲紛紛留言問，幾時有續集，希望係不久將來聽到佢地會開拍喇～～～

Source：微博/TVB
Text：Alina Wan