{ LIFESTYLE }
14 May 2019
鄧麗欣化身「街頭愛神」 首次帶媽媽尖沙咀海旁派花行善

鄧麗欣日前趁住母親節,攜同媽媽參與慈善團體嘅街頭派花活動,今次是她們首度以「母女檔」行善,別具意義。她說:「今日好特別就係我帶埋媽咪出嚟,佢以偉大母親嘅身份去派花畀其他偉大嘅母親,可以同媽咪過一個好難忘嘅母親節,因為未試過同媽咪一齊做慈善,非常之開心。」Stephy 與媽媽一早到辦公室為過百支康乃馨裝飾扮靚!

鄧麗欣

鄧麗欣


而 Stephy 今日更肩負另一個任務,要化身成「街頭愛神」到尖沙咀海旁送花之餘,同時要令子女向媽媽當眾送吻,將愛意傳遞開去。在中午時份,Stephy 突襲海旁送花,引來大批途人圍觀及集郵,這位「街頭愛神」最終成功派發近 50 支康乃馨,亦成功令不少小朋友向媽媽獻吻,場面溫馨。期間,Stephy 家姐更驚喜現身,一家三口齊齊拍照留念。

鄧麗欣

鄧麗欣

Stephy 表示完成派花活動後,便會與媽媽吃大餐慶祝,更預備了一大束鮮花送給媽媽:「每年都會一家人慶祝,最緊要一家人齊齊整整,媽咪就最開心。我比較怕醜,遺傳咗媽咪口密嘅基因,好少喺佢面前講肉麻嘢,在心中啦!不過媽咪好鍾意收花,佢好少女心,所以我準備咗紮花送畀佢,畀個驚喜佢!」

鄧麗欣

鄧麗欣

萬事俱備,只欠媽媽!正當活動完成後,Stephy 打算拿出一大束鮮花送給媽媽之際,豈料媽媽被家姐秘密接走了,令她送花驚喜「撻Q」。她笑言:「我好順利派晒啲花畀途人,但自己呢紮花就好唔順利,派唔到畀媽咪。原本打算同媽咪派完花,上返嚟辦公室就畀驚喜佢,但點知啱啱太多人啦,我家姐就嚟咗接媽咪去食飯先,我要再搵個時機 Surprise 一下佢。」

鄧麗欣

鄧麗欣

News
Feature
Blog
Load more
 
NOTIFICATION