{ LIFESTYLE }
27 Feb 2020
林文龍決心幫亞視「重整旗鼓」 密斟「黃金班底」計劃拍劇

林文龍現時為亞視副總裁 ,上任後一直密鑼緊鼓計劃重整亞視,嚟整將會重新裝修總台,辦公室等設施,仲計劃今年重新拍劇,一洗亞視昔日頹風!


林文龍上任亞視副總裁一職後,一直維持親民,貼地又實幹嘅好形象。不久前代亞視宣布派發二十萬口罩比有需要港人,又捐贈成千萬比武漢抗疫,市民都一致大讚佢嘅善舉。現時林文龍仲打算重整亞視,計劃今年開拍自家劇集,現時正物色人選做班底!


有傳佢現時想搵翻昔日「師奶殺手」陶大宇、羅嘉良,吳啟華等人加盟亞視,希望聚集一班有樣有實力嘅演員做班底,追求重質重量嘅劇集。佢亦向媒體提到,有TVB舊同事都主動聯絡佢,希望可以加入做班底。雖然現時一切尚在計劃中,不過只要認真看待事情,亞視絕對有機會重整旗鼓,再次翻身。

News
Feature
Blog
Load more
 
NOTIFICATION