{ LIFESTYLE }
25 Jan 2020
東出昌大偷食形象直插谷底 廣告被抽起新劇被力求腰斬!

日本男星東出昌大原本形象正面,跟老婆渡邊杏嘅婚姻更係羨煞旁人,一直係別人眼中嘅模範夫婦,同時事業蒸蒸日上,係唔少女粉絲心中嘅「完美男神」。可惜近日東出昌大出軌「透明系女孩」唐田英里佳,仲爆出偷食足三年,令渡邊杏傷心欲絕毅然分居,同時事業亦因此受重創!


原本參與唔少電視劇嘅東出昌大,近日播出嘅《刑警和檢察官》播出第一集已收視極好,可惜爆出偷食醜聞後,劇集嘅 IG被網民瘋狂攻擊,要求腰斬該劇,一係就換角重拍,直言見到東出昌大就覺噁心「不想看東出昌大!」,「東出滾出電視機,「身為主婦想到杏的心情就很複雜」,東出昌大今次事件後形象直插谷底,難以翻身。

除咗電視劇,就連廣告商都非常震怒,其中有牙刷廣告商已急忙刪除廣告,嫌東出昌大「唔乾淨」,唔會再搵佢代言。

日媒亦傳渡邊杏一直死忍東出出軌,導致自己身心俱疲需要住院,令唔少人都非常同情渡邊杏,並集氣聲討東出昌大同情婦唐田英里佳,相信二人今次事件後亦難以翻身,形象盡毀。




News
Feature
Blog
Load more
 
NOTIFICATION