{ LIFESTYLE }
24 Jan 2020
李國麟批無綫出「膠劇」兼刻薄員工 事後補鑊:「愛之深責之切!」

早前無綫「資深甘草」李國麟,係接受傳媒專訪時,竟勇敢講出真話,狠批而家無綫出「膠劇」,又嘆公司刻薄員工,唔比足夠時間編劇交貨,導致「公式化劇情」出現。事後言論引嚟大批網民認同,但李國麟就因此疑被「照肺」,過後即時出嚟補鑊?

李國麟早前接受媒體訪問時,直言公司存在唔少問題:「我們公司只有流水作業,有好劇本出現比較難。」又話:「人家說你出品的是膠劇,不要怪責網友。」令唔少網友大讚佢夠大膽,講出多人心聲。


李國麟都估唔到自己嘅專訪會引起咁大迴響,事後即刻出嚟補飛,澄清自己唔係踩公司,而係為公司好先講出真話:「愛之深責之切」。隨後又澄清自己無比公司秋後算帳,「我都幾十歲人,鬧我做乜?」不過有唔少網民都力撐李國麟,大讚佢講真話,「李國麟態度正確,不像黎耀祥怪返觀眾」,「講得好!」。



有關訪問(來自HK01)

News
Feature
Blog
Load more
 
NOTIFICATION