{ LIFESTYLE }
26 Aug 2019
尖沙咀海旁新商場K11 MUSEA開幕 9間周末人氣餐廳隆重登場

尖沙咀海旁商場K11 MUSEA今日正式開幕,樓高10層,融合藝術以及文化氣息嘅購物藝術館,外觀極度華麗唯美,內裏就有唔少比遊客周末休閒打卡嘅靚爆餐廳!一齊黎睇下有邊9間非朝聖不可嘅人氣餐廳啦~

A Happy Pancake 下午小確幸

人氣餐廳A Happy Pancake終於開第二間分店!除咗必點嘅原味班戟外,而家仲推出咗新品「宇治抹茶濃厚慕斯班戟」,濃厚香滑嘅宇治抹茶醬,淋上Q彈鬆軟嘅班戟上,簡直令人欲罷不能啊!



東京品川多賀野拉麵 「中華拉麵」一食上癮

連續4年獲米芝蓮嘅東京多賀野拉麵,濃厚香滑嘅湯底,肥瘦均勻嘅燒豚肉,再加上半熟流心蛋,配埋小魚乾同海藻等嘅新食材,香味十足,諗下都流口水啊!

Gontran Cherrier 香軟牛角包,幸福感爆登!

「全巴黎最好食牛角包」就係Gontran Cherrier入面,麵包控一定唔可以錯過!層層鬆松嘅牛角包,蛋香味濃到入心入肺,過後仲有一陣極香濃嘅牛油味徘徊口腔,絕對不能錯過!



魚糕專門店三進魚糕-爽脆彈牙美味小吃

講到人氣嘅韓國街頭小食,一定唔小得爽口彈牙嘅釜山魚糕,一口咬落去,全身即時舒暢無比,魚油香味四散口腔,渾然天成,幸福美滿!

海南雞飯餐廳Chatterbox 齒頰流香大滿足

新加坡始祖咖啡店Chatterbox係文華酒店旗下咖啡店,質素一定有保證。入去必試「文華海南雞飯」,濃厚嘅雞油味,加上嫩滑爽口嘅雞肉,配上辛辣嘅辣醬,食完黎多個自家製超濃厚椰子雪糕,諗下都流口水!




韓國人氣麵包店Tardemah 爆餡流心打卡必備

鍾意爆餡包嘅朋友一定要試,招牌流心芝士方包、牛乳忌廉包,忌廉芝士番薯麵包,通通都係韓國女生至愛!

牛油果專門店 Avobar 健康之最

怕肥嘅朋友一定要試下呢間牛油果專門店 ,招牌菜是牛油果漢堡,夾住creamy香濃嘅牛油果肉,加上素菜扒,番薯,真係滋味滿心頭!

英國著名下午茶Fortnum & Mason Girl talks

喜愛 Afternoon Tea 的女士們,一定不可錯過來自英國著名的 Fortnum & Mason ,它更是英國皇家御用茶品經典百年茶葉指定品牌,店舖設有傳統英式建築風的英式茶室和售賣茶葉、餅乾等精品,想品嚐正宗英國茶葉及精緻,一定要來這裹打卡!

日本田園風Cafe Afternoon Tea TEAROOM - 日系小清新

又多一間走日系路線的甜品店進註,Cafe Afternoon Tea TEAROOM 走小田園小清新路線,是不少香港人遊日必去朝聖的地方,亦是日本著名的生活品牌,自設精品及茶具,最吸引就是以不同時令水果製作而成的雜果芭菲和三文治,適合打卡之餘又食得健康。


News
Feature
Blog
Load more
 
NOTIFICATION