{ LIFESTYLE }
06 Nov 2019
容祖兒口罩風波舊愛劉浩龍留言講加油 
被粉絲狂轟嘲為「攝位龍」!


樂壇天后容祖兒日前就因係Facebook上載戴口罩、頭髮半遮眼、隨意嘅自拍照,更寫下歌曲《空港》歌詞「只知要飛!」,引起內地網友熱烈討論,甚至傳出祖兒接著嘅內地工作要取消。其後祖兒亦有澄清指自己純粹地和大家分享近況,實屬無心之失,並留言,「我熱愛祖國,熱愛香港,從不支持港獨,我也一樣毫無疑問地熱愛和平,希望一切盡快恢復平靜。」post文一出,其舊愛劉浩龍亦有留言講加油,不過呢個舉動就引起容祖兒粉絲相當不滿,更形容劉浩龍為「攝位龍」!









2012年公開認愛嘅佢地,被外界視為「女尊男卑」,戀情一向不被看好,二人也曾經去到論及婚嫁地步,但最後還是無疾而終。今年年初容祖兒親自寫公開信,承認與拍拖7年嘅劉浩龍分手。雖然至今已經分手一年,但粉絲依然唔買帳,見到佢嘅留言紛紛表示「好噁心啊」、「見到你想洗眼」、「又走出黎借容兒見報,死開啦!」




但都有網友支持劉浩龍,並留言,「唔好理人地講咩,做好自己、」、「師兄加油」、「作為朋友。你的支持很重要」。



News
Feature
Blog
Load more
 
NOTIFICATION