{ LIFESTYLE }
22 Nov 2019
奇洛李維斯公開認愛一個月 再爆已向女友求婚?!

奇洛李維斯一生相當悲痛,多次失去至親令佢毅然單身18年,直到最近一個月,奇洛李維斯首次拖住女友Alexandra Grant走紅地氈。兩人公開認愛,令粉絲都心感安慰,希望奇洛李維斯今次可以得到幸福。而外媒仲爆料,奇洛李維斯已經向女方求婚,預計出年係加州完婚,真係可喜可賀!


據外媒《OK!》報導,奇洛李維斯準備咗20萬美元嘅戒指求婚,Alexandra亦欣喜答應。兩人預計2020年春天係加州馬里布完婚,婚禮將以低調形式進行,只邀請身邊親朋好友參與。雖然消息未經當事人親口証實,但係奇洛罕有公開認愛下,就算拉埋天窗都唔出奇。




Alexandra同奇洛李維斯相識近十年,女方一直無限的支持奇洛,無論工作上或是情感上,都一直守護係奇洛身旁。多年嘅愛終於拯救到早已遍體麟傷嘅奇洛,令佢重新感受幸福降臨。粉絲都支持兩人拉埋天窗,亦祝福兩人可白頭到老

News
Feature
Blog
Load more
 
NOTIFICATION