迪士尼迷福音！日本迪士尼推出咗超夢幻嘅「童話故事書」充電器，五個USB充電位，又靚又實用，點忍手唔買啊～

一共推出米奇＆米妮、小美人魚、愛麗絲同怪獸大學4款，超可愛嘅書本造型刺激住你嘅少女心，默默攞出銀包賣單～

除咗有顏值之外，實用度都好高，呢款「童話故事書」充電器擁有多達 5 個USB充電位，可以同時為唔同電子產品充電，一次可以充ipad 、手機、相機，甚至連充電式耳筒都充得，一次可以為你嘅電子產品充滿電，絕對係低頭族救星！

呢本有5 個USB「充電書」唔好以為佢好大本，其實佢好袖珍手掌咁大㗎咋～

《小美人魚》小美人魚款同《愛麗絲夢遊仙境》的愛麗絲款都係做剪影款，好有復古唯美感啊～

米奇＆米妮背後仲有個小亮點～原來係唐老鴨與翠絲喺背後放閃啊，等小編帶返副超先～

可愛造型喺唔用嘅時候仲可以擺喺屋企做擺設，瞬間提升屋企嘅夢幻感！咁可愛嘅「充電書」定價為3,996日圓，鐘意嘅sis記得入手喇！

Sources：strapya.com

Text：Ling Chun