{ LIFESTYLE }
26 Feb 2020
【想見你】許光漢前女友IG遺留舊合照 粉絲呷醋要求刪照

許光漢憑劇集《想見你》紅爆亞洲,更令一眾少女紛紛入坑,並將佢封為今年嘅「國民老公」。更有狂迷對「老公」嘅舊情史大起底,翻查許光漢前女友簡婕IG,發現對方仍保留多年前嘅舊合照,即時醋意大發,紛紛擁入簡婕IG表達不滿。



許光漢過往嘅感情生活,成為當下最熱爆嘅話題之一。據媒體得知嘅消息指,許光漢「見光情史」有兩段,一個係平面模特兒施宇屏,一個就係分手超過2年嘅簡婕。最讓粉絲在意嘅係,簡婕社交網站依然關注許光漢,亦未刪除兩人嘅舊合照,令人質疑簡婕餘情未了,唔少狂粉都攻入佢IG留言,要求佢刪走合照。


不過網民普遍都不屑狂粉做法,認為簡婕有自由選擇保留照片,更有權選擇保留佢想記下嘅回憶,「人家要保留回憶不行?」,「他開心就好 ,為何要刪啊」,「刪不刪關你們屁事」,不過咁多位「許太」已經比愛情蒙蔽理智,睇怕所有接近「許老公」嘅女生們都有排煩。

YOU MAY ALSO LIKE
News
Feature
Blog
Load more
 
NOTIFICATION