{ LIFESTYLE }
11 Sep 2019
【大叔的愛】林遣都拒演牧凌太 傳「紅劇唔紅人」心灰意冷

人氣連續劇《大叔的愛》上演至今,題材夠爆劇情夠膠,令觀眾非常受落,連同電影版亦票房極佳。其中話題十足嘅一定係BL CP田中圭同林遣都,觀眾早已認定兩人係劇中嘅一對,亦支持再拍續集。可惜林遣都遲遲都唔肯接拍續集,有傳佢已經唔想再演牧凌太,令開拍計劃只好一拖再拖。

大叔的愛, 林遣都, 田中圭

其中一個致命原因,就係同一部劇嘅男主角,但星運就截然不同。《大叔的愛》嘅田中圭因為呢套劇終於捱出頭,唔少男一嘅機會接踵而黎,加上新劇《輪到你了》收視極好,令田中圭捱足19年終於苦盡甘來,成功係日本娛樂界闖出一片天。

大叔的愛, 林遣都, 田中圭

但林遣都就無因為《大叔的愛》而大幅受惠,觀眾多數將目光放係田中圭同吉田鋼太郎嘅表現,忽略咗林遣都,所以佢亦無意再接拍續集。現年28歲嘅林遣都,混血美少年容貌令佢係初中3年級已經被星探發掘,後來仲參演過無數電視劇同舞台劇,係《大叔的愛》入面亦演技非凡,可惜努力多年亦未能好似田中圭一樣一劇爆紅,確實會令人感到心灰意冷。

大叔的愛, 林遣都, 田中圭

相信無咗牧凌太一角,《大叔的愛》收視一定受影響,不過有傳朝日電視台已經準備好拍續集,有機會係故事進行大幅修改。只可惜田中圭林遣都CP可能唔會再同框出現,對鍾意呢對CP嘅觀眾嚟講非常可惜。

大叔的愛, 林遣都, 田中圭
林遣都初出道真係靚仔到暈!!

News
Feature
Blog
Load more
 
NOTIFICATION