{ LIFESTYLE }
29 May 2020
【唔洗怕劇荒】2020下半年Top 5必睇韓劇 
五大男神通通回歸!

話咁快2020年已經過咗大半年,相信大家係疫情期間都睇咗唔少韓劇,好似有《愛的迫降》、《梨泰院Class》、《夫婦的世界》等等。不過大家唔洗驚下半年無嘢睇,因為男神Oppa們通通回歸戲劇圈,今日就等我地幫大家盤點一下下半年必睇韓劇Top 5!


第一位:金秀賢《雖然是精神病但沒關係》
首播日期:6月20日

今次係金秀賢Oppa自去年7月退伍後,時隔5年首個復出作品,將會與曾出演《花郎》、《救救我》、《武法律師》而演技備受肯定嘅徐睿知合作拍攝Netflix新劇《雖然是精神病但沒關係》。





早前二人出席圍讀的時候,唔少劇迷大讚二人外貌相當登對,很有CP感!


第二位:孔劉《寂靜的大海》

首播日期:/

被稱為「國民老公」嘅孔劉Oppa,近年專注電影工作,日前佢終於親口落實將會拍攝Netflix新劇《寂靜的大海》,而女主角更是《屍戰朝鮮》 嘅裴斗娜!



《寂靜的大海》是一部「科幻片」,劇情背景設定在未來世界的地球,因為大自然環境惡劣而呈現沙漠化的狀態,水資源及糧食都面臨嚴重短缺,於是各國政府開始訓練年輕一代優秀的「太空人」,到地球以外的地方尋找拯救人類的方法!除了男女主角受到矚目外,劇集製作人同樣大有來頭,就係有「型男」oppa鄭雨盛擔任,好多粉絲都期待佢可以為劇集客串,同孔劉大鬥演技!







第三位:南柱赫《Start Up》/《保健教師安恩英》/《Here》

相信南柱赫一定係2020年最多產演員喇,下半年將會拍攝3部劇集,而每部劇集嘅對手都十分豪華!例如《Start Up》將會先與「國民初戀」秀智合作。



然後就與《82年生的金智英》鄭有美演出奇幻驅魔愛情喜劇《保健教師安恩英》。

到第三套就勁喇!與李秉憲、裴承佑、韓志旼、申敏兒合作拍攝《Here》,劇集被堪稱史上最豪華嘅演員陣容!




第四位:朴寶劍《青春紀錄》

盛傳將於明年入伍嘅朴寶劍,繼早前與孔劉拍攝電影後,當然要重投戲劇圈。據知,青春勵志劇《青春紀錄》講述男女主角成為明星和演員過程嘅故事。



而同女主角則找來《上流寄生族》中令大家形象十分深刻嘅朴素丹,兩位外型都真係同劇名一樣,相當青春!

第五位:李棟旭《九尾狐傳》

如果有留意韓劇嘅朋友都知道,《九尾狐》呢個題材已經拍過無數次,過去飾演過九尾狐有申敏兒、朴敏英、金泰希同韓藝瑟。今次再翻拍,整整因為九尾狐係由男演員出演,就係李棟旭Oppa!

棟旭Oppa係新劇中將會與《愛情的溫度》女演員趙寶兒合作,劇情將會講述男九尾狐與電視台女 PD 之間嘅奇幻愛情故事。


YOU MAY ALSO LIKE
News
Feature
Blog
Load more
 
NOTIFICATION