{ LIFESTYLE }
19 Feb 2020
【台版鬼怪】賀軍翔擔正《天巡者》做伏魔人 被視作台版「孔劉」自嘲要先減重

賀軍翔一直係唔少人心目中嘅偶像劇男神,以往多次擔正爆紅台劇,如《鬥牛要不要》,《惡魔在身邊》等,花美男形象深入民心。最近佢重返三立拍劇,嚟緊擔正新劇《天巡者》(台版《鬼怪》),仲一度被稱為台版「孔劉」?!


《天巡者》係一部結合浪漫奇幻嘅愛情喜劇,亦被稱為台版《鬼怪》。賀軍翔將會飾演「驅魔真君」鍾馗,性格毒舌又孤辟,但擁有無邊法力。白天身分係麵包店老闆鍾正南,入夜係就係嚇到鬼都走埋嘅伏魔者。唔少人開始拎佢同孔劉比較,賀軍翔反自嘲自己已經係「中年大叔」,唔擔心網民將佢拎嚟比。



話就話係「中年大叔」,但賀軍翔個樣幾乎同13年前《鬥牛要不要》嘅佢無分別,仲多出一份成熟穩重嘅「男人味」。現時賀軍翔已經開始積極減重,為角色做好準備,「應該要還晚一點拍,就是再節食一點。」

News
Feature
Blog
Load more
 
NOTIFICATION