{ LIFESTYLE }
03 Apr 2020
《舉重妖精金福珠》翻拍內地版 主角名單出爐網民唔撐:「別毀了!」

由南柱赫﹑李聖經主演嘅《舉重妖精金福珠》,絕對係近年嚟出色又經典嘅韓劇。劇中李聖經飾演嘅金福珠同南柱赫飾演嘅鄭俊亨超有火花,甜蜜互動令觀眾都睇到少女心爆發。事隔四年內地宣佈將會翻拍內地版《舉重妖精金福珠》,劇名改做《原來是你》,主角名單出爐後,網民一致唔睇好,直言:「別毀了經典!!」

 

內地版《原來是你》故事內容同《舉重妖精金福珠》接近一樣,只係男女主角將會換成台灣男星張軒睿,加埋地新女星羅予彤擔正。而男主角將會由鄭俊亨改名做李俊辰,女主角都唔再叫金福珠,而係叫金福妹。

 

由張軒睿做男主角,網民都無太大異議,畢竟擁有183CM高,略有肌肉嘅佢,外表附合劇中男主角係游泳健將嘅條件。加上佢本身亦參與過唔少台灣偶像劇,演技方面有咁上下實力。至於女主角羅予彤,係女星中外貌算正常甜美,不過睇相就稱唔上有呆萌氣場,同李聖經並非同一風格,因此網民都唔太睇好佢出演。再者原本韓版實在太成功,國內編劇如果想超越經典,似乎都有一定難度。




News
Feature
Blog
Load more
 
NOTIFICATION