Entertainment

【我們的十八歲專訪】林千渟首次擔正做女主角即挑戰大膽戲份 感恩經歷多堅信自己鍾意演戲

By barara

22 September 2023


近年影壇人才輩出,模特兒出身的林千渟早前就首次擔正、在溫碧霞監製《我們的十八歲》負起女主角的重任,戲中飾演年輕版溫碧霞的林千渟坦言,對她的認識就是90後必定看過的劇集《封神榜》,「當時她飾演嘅『妲己』係超級性感女神,細個就覺得佢好靚,無諗過真係可以同佢合作到,因爲佢似係一個高不可攀性感女神!」

擔正做電影女主角的千渟坦言在拍攝前心情好緊張,始終是自己的首部電影,另外就是對電影中角色人物的想法,幸好在拍攝前與監製溫碧霞深入交談過,「佢有講佢嘅家庭背景、諗法,同家人嘅關係,好幫助到我投入角色。加上導演都有開唔同嘅工作坊,全部演員都有做準備。」被問到監製溫碧霞在拍攝期間有無監場時,千渟笑言對方每逢到片場當時擔任「萬歲」角色,送上美食給所有台前幕後,所以壓力沒有特別大。

在戲中千渟與飾演其好友的楊偲泳在拍攝前互不相識,二人性格都較文靜同慢熱,幸好在正式開拍後不時有通宵戲才正式熟絡,「加上佢幕前演出經驗比我豐富,我又係新人所以我都會主動問佢,同埋我地有通宵戲成日傾計,所以到最後拍攝結束後我地真係同戲中一樣變咗好姊妹。」

提到今次千渟更要首次拍攝床戲,對手則是同公司的師兄麥子樂,她表示當時得知有這場戲份就向導演詢問,「有問佢想要呈現什麼畫面,當我地溝通完就無咁驚,因爲場係要幫助劇情推進,唔係純粹比觀眾睇啲咩。」至於對手麥子樂,千渟直言對方經驗老到,所以無特別緊張,並笑言,「唯一準備功夫食香口膠。」

問到千渟在今次《我們的十八歲》最難忘的場口時,她表示與飾演爸爸的狄龍大哥有一場吵架激烈的戲份甚至要被他掌摑,「我地事前無彩排過,而狄龍大哥每個take比每個take投入。」最令她驚喜是身為影壇超級大前輩的狄龍大哥,在圍讀時樂於同其他演員溝通,「係圍讀有問我對角色的睇法,佢真係無架子同距離感。到拍攝時有啲場口我都演繹得好無禮貌,所以一cut機即刻同狄龍大哥講唔好意思。」

電影《我們的十八歲》主要講述探討原生家庭對女性成長影響的故事,問到入行短短年千渟之前有無辛酸經歷時,她就坦言最怕「無工開」,但都要樂觀正面去面對。模特兒、主持人都擔任過的她坦言到近年才肯定自己喜歡演戲,「因爲自己係主持方面唔係特別出色,而我由小到大都鍾意表演,所以跌跌踫碰去到呢個位都幾開心同好感恩。」

而接下來的計畫千渟透露都會以電影為主,「目前都有幾個電影試鏡,希望有多一些不同類型的影視作品同大家見面,讓大家對林千渟有更多認識。」

場地提供:UP A NOTCH(旺角)
Hair : @terryyeung_08
Wardrobe : @initialfashion

BY barara

22 September 2023