Diet

打卡-able+健康+消暑夏日開心梳打水 4款簡易DIY梳打水超值得一試!

By Yuli

21 June 2022


夏日炎炎時經常想飲冰涼的汽水消暑,但高糖分卻令人非常卻步,不但會影響健康和體型,更會加快皮膚衰老和更容易引起暗瘡粉刺!梳打水就是一個不錯的代替品,口感和汽水相似,但卻零熱量、零脂肪,同時又容易讓人有飽足感。如果覺得單喝梳打水太沉悶,不妨試下DIY水果梳打水,只需要加入不同的水果配搭,即時令梳打水變得健康又好飲,就算是正在努力減肥的中Sis都可以一試~

#蜜桃梳打水

先把蜜桃去皮切粒,加入少量砂糖,放入雪櫃冷藏1個鐘。用細火煮一下水+蜜桃皮,令水變成淡粉紅色,撈出蜜桃皮後,將其混合冷藏的果肉。冷卻後放置杯中,加入冷塊和梳打水即可完成!酸甜好飲之餘,少女粉色非常高顏值,最適合放上ig打卡!

#奇異果檸檬梳打水

將奇異果放入杯子搗碎,加入冰塊、檸檬、青檸和梳打水即可,想更美觀的話可以加上薄荷葉做裝飾,酸甜口味夏天開胃~

#西柚益力多梳打水

先倒入西柚的果肉,將方塊加置7分滿,倒入半杯益力多,想更健康的話可以選擇低糖益力多,再倒入梳打水就完成啦~

#海鹽話梅梳打水

這款梳打水的製作方法超簡單,所以新手一定可以做到~直接將話梅和檸檬放入杯子,加入冰塊和梳打水即可,可以隨個人喜好加入海鹽就完成啦~

以上4款水果梳打水的制作方法都超級容易,而且非常打卡-able,各位Sis一齊來試試吧~

Source:林寶寶云、Sun_小孫、氣泡蘇打%@ 小紅書

BY Yuli

21 June 2022