{ FORUM - LOVE }
Search
Title / Tags Author

查看: 26767|回覆: 38

情侶相處問題-鬧交發脾氣?

[複製鏈接]

註冊日期: 2019-5-23

發表於 2019-5-23 15:56 來自手機 | 顯示全部樓層 |閱讀模式
我26男友28,起埋一齊2年幾。一直我地間唔中都會鬧交,為左d芝麻綠豆事,例如佢整蠱我,叫我花名。
我地一直有2樣野都會鬧交:
1.)佢份工都算係幾忙,例如忙起上黎成個星期都返10am放1am。我就一直正常朝9晚6。間唔使佢都可以成日唔搵我whatspp都無個,我就會打過去問點解唔主動打比我傾計,佢就會話“忙緊呀嘛”。我就問打個電話傾2,3個字咁難咩,之後佢就開始唔耐煩鬧我,話最憎比人迫,之後cut線。我就會發脾氣炸佢電話炸足1個鐘。但隔3,4個鐘佢就會打返比我問我發完脾氣未錫返我好唔好,之後話星期日陪返,但我條氣就已經比佢鬧到唔順。我同佢講佢肯多d主動打比我,我就開心,佢又唔洗因為我發脾氣而覺得煩,佢次次都話知道。但隔一個星期又變返之前咁。不斷鬧交同和好。)
2.)佢同同team識左幾個月既女同事成日傾whatsapp。我同男友星期六日通常都出街或去對方屋企,次次比我見到佢地whatsapp。我知佢地係同事所以lunch有時一齊食。我同男朋友講日日公司見,做咩放假都傾閒計,我話我吃醋唔鐘意,佢反問我係米無朋友,覺得傾計有咩所謂,話我成日發d無聊脾氣。之後出去拍拖仍然比我見到佢地繼續whatsapp傾計。有一次男朋友電話比我見到佢同個女同事講個日本身公司annual dinner,之後男朋友同佢講都係唔去。個女仔覆:“唔緊要啦whatsapp陪我傾計都得姐”。我見到立即係男友面前發脾氣,男朋友淨係攬住我又話唔好吃無聊醋,不過無講其他野。我問佢你地係米有路,佢話我係米癡線,然後開始唔耐煩。個晚佢係留係佢屋企同我食飯。我係好嬲成日都親眼見到佢地whatsapp,但佢都仲會同個女同事whatsapp,但又覺得男朋友星期六日都會陪我,同個女同事傾計又比我見到無刻意收埋,其實我係米真係好似男朋友咁講成日發d無聊脾氣?

我有講過幾次話我想29或之前結婚,如果唔結婚早d講,我話會同佢分手。佢話唔係無打算過,唔會唔結婚,不過佢話成日鬧交,我成日發脾氣,反問我點結婚,唔想結婚之後都係咁。仲話年齡唔係最大考慮,拍拖係磨合ge過程,相處得舒服佢先會結。我究竟因為上面兩件事發脾氣係米真係咁無道理?
回覆
+ Favorite

舉報

註冊日期: 2017-8-7

發表於 2019-5-23 16:01 | 顯示全部樓層
我覺得好快分手

註冊日期: 2017-10-10

發表於 2019-5-23 16:23 | 顯示全部樓層
哈!你條仔一定係做Audit

註冊日期: 2015-4-9

發表於 2019-5-23 17:07 來自手機 | 顯示全部樓層
男事主應該有自虐傾向,或者自己覺得條件差先會忍足你接近三年
俾著男事主換左係第二個,三個月內踢撚走你啦,仲會忍你三年?!
而家先想醫公主病真係太遲了

PS:公主病唔係冇得救,不過你太撚衰格,睇住你死好撚過啦XDDDD

註冊日期: 2019-5-23

 樓主| 發表於 2019-5-23 17:18 來自手機 | 顯示全部樓層
milktea913 發表於 2019-5-23 16:23
哈!你條仔一定係做Audit

點解咁講?點解覺得佢忍我?

註冊日期: 2019-5-23

 樓主| 發表於 2019-5-23 17:19 來自手機 | 顯示全部樓層
非法改裝嬰兒車 發表於 2019-5-23 17:7
男事主應該有自虐傾向,或者自己覺得條件差先會忍足你接近三年
俾著男事主換左係第二個,三個月內踢撚走你啦,仲會忍你三年?!
而家先想醫公主病真係太遲了

PS:公主病唔係冇得救,不過你太撚衰格,睇住你死好撚過啦XDDDD

點解咁講?點解覺得係佢容忍我?

註冊日期: 2016-7-12

發表於 2019-5-23 17:38 | 顯示全部樓層
返緊工都要逼人傾電話真係好幼稚。

註冊日期: 2018-3-12

發表於 2019-5-23 17:43 | 顯示全部樓層
炸佢電話呢個舉動真係好無聊...

註冊日期: 2017-10-10

發表於 2019-5-23 17:50 | 顯示全部樓層
咁講啦,我會睇左第2 點先,因為第2 點,會導致第1點的不信任問題。

第2 點,我覺得都幾鬼下,就算你男友個心唔覺得同女同事有野,但我可以話比你聽,個女同事一定對你男友有野,而且有d 女人就係中意攪人男友⋯
但有d 男人係遲鈍,有時要入到個局的一半,至意識到自己同人攪左曖昧,雙方要佢揀時,佢又會傻下傻下揀個日見夜見的⋯
我就係有朋友係咁,但佢之後發現跟本就同個同事唔夾,純粹係在公司見面生左d 情,咁後悔都冇用啦,你估正印一定會等你回頭? 而且一次不忠,百次不容⋯

連接第1點,在公司日見夜見,工時長,同team, 上面講左係會生情⋯而且佢係要衰到由10am 至1am 都冇個電話比你,明白你會好不安,就算唔痴身的女人如我,咁樣15 個鐘,超過半日係冇聲氣,我都會爆條仔⋯

雖然,我個人覺得呢兩點你係冇錯,但從文字睇得出,你係一嘈就幾煩的人⋯唔會心平氣靜咁問⋯
你試下宜家開始冷靜咁睇問題先,組織下要點同佢講道理,例如平靜咁講解佢知,連續15 個鐘冇聯絡,你有不安,唔好話你唔開心, 或好憫果類,係不安,用中性字眼⋯
唔好話唔中意有女人同佢whatsapp, 你搵兩個朋友,改佢地whatsapp 名做男性名,同朋友夾一夾,以牙還牙,佢同個女人whatsapp 時,你就同「男性朋友」whatsapp, 要預兩個朋友,因為唔係人人成日有時間覆你,咁你就做唔到果個效果⋯
同佢講,係啦,個世界唔係男人就女人,以前果班男同學又聯絡返,咪傾下lo...

註冊日期: 2017-10-10

發表於 2019-5-23 17:57 | 顯示全部樓層
上面太長,呢度續⋯

你首先改一改個脾氣先,唔好一下就擺出個憫樣,唔好一下就嘈先⋯平靜d 講道理⋯
拿,千祈千祈千祈,唔好打千字文比男人呀! 好重要,唔好打千字文比男大⋯佢地唔會睇,仲會覺得煩。

有咩就當面講/電話講,簡單d 精警d, 同佢講,喂你又唔記得打比我啦? 有冇時間講5 分鐘呀? 休息下講5 分鐘啦⋯
或者你可以了解左佢咩時間食lunch / dinner, 你就特登果陣打去,等個女同事知佢係有女友打來⋯
另外,我唔知佢有冇同同事講佢有拍拖啦⋯我覺得佢唔似有講⋯總之你宣示左主權先⋯
我估你男友做Audit , 所以去接佢放工果類,都冇咩可能⋯工作地點有時不定,但你都可以嘗試下約佢dinner⋯睇下比唔比到佢d 同事見到你⋯

註冊日期: 2017-10-10

發表於 2019-5-23 18:00 | 顯示全部樓層
至於結婚⋯佢同女同事單野咁鬼,你仲諗結婚?
佢身有冇屎你都未知啦⋯呢樣攪清楚先⋯
咩30 歲前結婚果d 野, 都廢話來⋯揀果個男人係差ge, 唔通你29 歲結,30 歲離呀? 咪傻啦⋯
揀男人就揀人品,唔要跟target 咁嫁自已出去⋯

註冊日期: 2017-10-10

發表於 2019-5-23 18:06 | 顯示全部樓層
你諗野轉下彎先,一直都嘈緊果兩個問成兩年⋯都講唔掂⋯你一係就放任算,一係就改變態度去面對⋯嘈足兩年唔累咩?
同埋唔好不停call 爆機⋯

註冊日期: 2016-12-23

發表於 2019-5-23 18:37 | 顯示全部樓層
1)好好奇樓主究竟返咩工可以咁得閒,日日可以「打個電話傾2,3個字」。你自己都話佢好忙,咁除非係lunch hour喇,如果唔係wtsapp都冇係好正常囉。佢肯之後打返比你已經好好。
2)佢同你一齊都wtsapp人,如果只係間唔中好正常。如果成日係,簡單而言,佢覺得wtsapp個同事,都好過要理你咁煩or悶。

註冊日期: 2015-4-9

發表於 2019-5-23 18:39 | 顯示全部樓層
Rainie0757 發表於 2019-5-23 17:19
點解咁講?點解覺得係佢容忍我?

係咪要QUOTE撚返晒你寫過乜先肯心息呀八婆!?

註冊日期: 2019-5-23

 樓主| 發表於 2019-5-23 18:46 來自手機 | 顯示全部樓層
milktea913 發表於 2019-5-23 17:57
上面太長,呢度續⋯

你首先改一改個脾氣先,唔好一下就擺出個憫樣,唔好一下就嘈先⋯平靜d 講道理⋯
拿,千祈千祈千祈,唔好打千字文比男人呀! 好重要,唔好打千字文比男大⋯佢地唔會睇,仲會覺得煩。

有咩就當面講/電話講,簡單d 精警d, 同佢講,喂你又唔記得打比我啦? 有冇時間講5 分鐘呀? 休息下講5 分鐘啦⋯
或者你可以了解左佢咩時間食lunch / dinner, 你就特登果陣打去,等個女同事知佢係有女友打來⋯
另外,我唔知佢有冇同同事講佢有拍拖啦⋯我覺得佢唔似有講⋯總之你宣示左主權先⋯
我估你男友做Audit , 所以去接佢放工果類,都冇咩可能⋯工作地點有時不定,但你都可以嘗試下約佢dinner⋯睇下比唔比到佢d 同事見到你⋯

佢話對方都知自己有女朋友 而個女同事都有男朋友。但佢話翻緊工成日都唔得閒睇我whatsapp,成日都好遲先搵我。要我發脾氣佢先feel到之後要搵我

註冊日期: 2017-10-10

發表於 2019-5-23 19:06 | 顯示全部樓層
嘩⋯⋯佢返工唔得閒睇whatsapp, 佢唔洗lunch ge? 放成1am 唔洗dinner ge? 我唔信去個廁所都冇lo...
雖則,你唔一定壓渣埋佢食完飯的錢分鐘,但好難令人信服全日都唔會諗起個女友⋯
我會覺得望住個女同事就夠,冇時間望電話/講電話⋯

同埋係人出軌前奏,都話「對方有男/女朋友」,搵鬼信呀? 介紹來識下先lo, 身冇屎點解唔識得?

佢返工就話冇時間搵你,ok! 咁佢放假都環聯絡個日日見的女同事?
仲話人有男友? 如人地男友知條女點樣搵仔⋯人地男友都反面啦⋯將心比心⋯

註冊日期: 2019-5-23

 樓主| 發表於 2019-5-23 19:12 來自手機 | 顯示全部樓層
milktea913 發表於 2019-5-23 17:57
上面太長,呢度續⋯

你首先改一改個脾氣先,唔好一下就擺出個憫樣,唔好一下就嘈先⋯平靜d 講道理⋯
拿,千祈千祈千祈,唔好打千字文比男人呀! 好重要,唔好打千字文比男大⋯佢地唔會睇,仲會覺得煩。

有咩就當面講/電話講,簡單d 精警d, 同佢講,喂你又唔記得打比我啦? 有冇時間講5 分鐘呀? 休息下講5 分鐘啦⋯
或者你可以了解左佢咩時間食lunch / dinner, 你就特登果陣打去,等個女同事知佢係有女友打來⋯
另外,我唔知佢有冇同同事講佢有拍拖啦⋯我覺得佢唔似有講⋯總之你宣示左主權先⋯
我估你男友做Audit , 所以去接佢放工果類,都冇咩可能⋯工作地點有時不定,但你都可以嘗試下約佢dinner⋯睇下比唔比到佢d 同事見到你⋯

我每次發完脾氣,過一排佢whatsapp先話自己好忙,一有時間就覆我,又話自己呢個星期OT到半夜先返屋企(佢本身工作性質成日OT)。然後,whatsapp我話過一陣先打比我。其實佢次次都真係有打返比我,話我吃d無聊醋,話同個女同事邊有成日傾,話大家都有男女朋友。

我發現自己次次發脾氣都係因為佢成日(1日)無主動搵我,我個腦就開始好多呢d負面想法,例如佢忽略我,掛住同女同事傾計,etc。我唔知係米自己本身無安全感定係點,但男朋友一打翻比我我就無事。如果可以唔發脾氣唔鬧交,我都好想,但我個人對感情好似好無安全感。我都好懷疑,究竟系自己問題,定男朋友真系唔care自己

註冊日期: 2017-10-10

發表於 2019-5-23 19:25 | 顯示全部樓層
唔好話我幫樓主就係港女⋯
因為以上d 野係我老公教ge⋯

佢話一個男人在公司,如個樣四四正正,就算結左婚都好,總會有女埋身⋯

佢就算當年未結婚,入職間新公司,任何人一問佢有冇拍拖,佢就會指定一句「何止有,仲就快結婚」⋯

但都仲有d 女仔會埋身,有條女成日走埋來吹水,又叫佢請食cake,又問佢飲緊咩,叫下次買埋比佢⋯纏到不得了⋯佢幾次都答佢「哦,樓下$35 一杯,下次你早d 食完飯落去買啦」⋯果條女冇引至冇再纏⋯

同埋佢話出來做野初期,仲有約班fd打波,有朋友同佢講在公司識左新女,但間中宵夜又見佢本身條女出來wo...即係腳踏兩船,仲好方便,日間返工就痴住一條女,夜晚/宵夜就交人⋯

最攪笑係,佢在公司會好防d 廿幾歲女仔,例如有佢d 同事見佢檯頭有7-11 印花,如係生左兩件果類C9 同事佢就會比,如係廿幾歲女問佢拿,佢會答「我老婆都儲」(其實我唔儲),完全係防小強咁防⋯

好啦言歸正傳,樓主,我唔敢話你男友一定有鬼(但似),如果一個男人係認定左你,除左會plan 結婚外,佢都會自動自覺咁唔比其他女埋身,如非工作需要用group chat 外,係一定唔會私下同女同事whatsapp⋯⋯

咁有d 人話,佢在你面前用whatsapp 傾,即係冇野啦? 傻啦⋯在正你面前就代表冇野? 人地有男友就代表冇野?
咁點解咁多人有sp呀? 點解咁多人有男女朋友,都各自出軌呀?


註冊日期: 2017-10-10

發表於 2019-5-23 19:31 | 顯示全部樓層
剛睇到樓主上面留言⋯
其實你都唔算港女,起碼你會問下係咪自已太冇安全感,太小氣果類⋯

咁我講下我老公名句啦⋯佢唔係一個浪漫的人,有d 野佢係有果句講果句啫。

佢會覺得安全感,係應該由個男人比個女人,即係好似佢d 兄弟咁,一出來玩就唔聽電話,話女友打爆佢機,話好煩⋯咁佢就會話,你唔想個女人煩,點解你唔自已交代左行程先呢?
就算唔係你老婆,係你阿媽,你媽在你十幾歲時唔知死左去邊,都會打來問你返唔返去食飯啦⋯

咁講真,你男友唔想你誤會,都跟本唔應該工餘時間聯絡啦,平日工作壓力仲唔夠? 要放假都接觸個同事?

註冊日期: 2019-5-23

 樓主| 發表於 2019-5-23 19:51 來自手機 | 顯示全部樓層
milktea913 發表於 2019-5-23 19:31
剛睇到樓主上面留言⋯
其實你都唔算港女,起碼你會問下係咪自已太冇安全感,太小氣果類⋯

咁我講下我老公名句啦⋯佢唔係一個浪漫的人,有d 野佢係有果句講果句啫。

佢會覺得安全感,係應該由個男人比個女人,即係好似佢d 兄弟咁,一出來玩就唔聽電話,話女友打爆佢機,話好煩⋯咁佢就會話,你唔想個女人煩,點解你唔自已交代左行程先呢?
就算唔係你老婆,係你阿媽,你媽在你十幾歲時唔知死左去邊,都會打來問你返唔返去食飯啦⋯

咁講真,你男友唔想你誤會,都跟本唔應該工餘時間聯絡啦,平日工作壓力仲唔夠? 要放假都接觸個同事?

宜家佢好似開緊OT 但我照打過去 頭先電話同佢清清楚楚咁講1.唔好同個女同事咁多野講 2.多d主動搵我3.問清楚佢係米打算結婚。佢把聲好累咁講知道啦,會多d打比妳呀。星期六日陪妳啦。然後就話做野唔講住。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION