{ FORUM - LOVE }
Search
Title / Tags Author

查看: 7594|回覆: 10

好想講講我同我男朋友既故事(長文)

[複製鏈接]

註冊日期: 2017-7-17

發表於 2017-7-17 02:16 | 顯示全部樓層 |閱讀模式
我心裏有一堆心事,係現實生活我唔鍾意同人講我既野,我只可以係網絡世界講出黎

我同佢拍左拖年半,我28,佢33,我做診所故娘,平時8,9點放工,放星期日

佢做寫字樓,朝9晚6果種,都係放weekend

拍左拖咁耐以黎,唔知係味我多心,我一直都覺得我愛佢多過佢愛我,未拍拖果陣,我有聽佢講佢同佢以前女朋友既野,佢會花小心思,會花心機,浪漫係佢地身上,對比而家我同佢既拍拖生活簡直係差天共地..

我曾經問過佢,點解成日唔識浪漫,佢答我,我唔係唔識浪漫,係以前用晒....

我聽完個心真係好唔舒服,咁樣對我公平咩?我講緊既浪漫唔係咩驚天地,大龍鳳既事,可能花小小心思帶打段愛的宣言比我我已經開心到飛天。

係呢年半以黎,佢同我講過幾次分手,原因係我成日發脾氣,但講緊我其實發既脾氣都係一個月一,兩次咁大把,佢話佢要既係個唔會發脾氣既女人,ok我改,因為我愛佢,每次我都求佢返黎..

到而家,我已經係個唔會發佢脾氣既人,所有委屈,所有心情都自己吞晒,唔好問我點解咁on9,因為我愛佢

我心裹面最大既委屈係佢好少時間陪我,我同佢住好近,我觀糖,佢藍田。我地大概一個星期會見一次,就係放假果陣,平日基本上係唔會見,佢平日時間一係陪朋友,一係就去踢波打機,我係個好怕寂寞既人,有同佢講過呢個問題,但佢覺得一個星期見一次已經好足夠,佢話佢同佢之前女朋友都係咁,但我知道佢同佢以前女朋友係同居,我無繼續講落去,因為一講得多,佢又覺得我發脾氣,我真係好驚失去佢。

我曾經講過想同居,但佢好似唔係咁想,我就無再提過..

除左呢樣,我同佢既性生活係好唔協調,佢好少掂我,我唔係需求好大既人,但都有正常女人需要,以前岩岩拍拖都係好少,而家少到幾乎無左呢樣野,但我可以100%肯定佢唔係基,我有曾經主動過,但無用,我都係個女仔,去到好主動或者講出口我做唔出囉..

可能你地會話佢根本唔愛我,但話佢唔愛我?佢對我又好專一,細心,成熟,我鍾意既野佢都會買比我,佢亦都捨得洗錢係我身上,我無要求過佢都會主動將wts icon轉做同我既合照

但如果愛我,點解每一次嘈交都可以咁輕易放低我?點解唔可以花多少少時間陪下我?

我唔係d怪獸女友,我唔會check電話唔會check行蹤唔會買名牌,我只係想佢花多少少時間係我身上者,我為佢改變咁多,佢點解就唔可以為我改變少少?哪怕係一星期見一次變成兩次我都已經心滿意足

我唔知睇完既sis會唔會明白我心情,有時真係谷到抑鬱,人點可能無脾氣,無性慾,無情緒?平時返工對住d病人同醫生受左氣我都想有個人係我身邊,令我覺得我唔係一個人,最近公司要搬遷,我又面臨失業問題,令我更崩潰。

我真係好唔開心,離不開,留下又辛苦,偏偏對方又唔肯去改變..
回覆
+ Favorite

舉報

註冊日期: 2015-3-1

發表於 2017-7-17 08:22 | 顯示全部樓層
可能要現實d諗,佢係咪真係愛你!從字裡行間都睇到佢唔珍惜你。另外,一個月發兩次脾氣都幾難頂,你要諗下點改變自己而唔係忍。btw,我係女人,發脾氣,一年一次都明白,一個月兩次我會感情淡

註冊日期: 2016-11-21

發表於 2017-7-17 08:42 來自手機 | 顯示全部樓層
年半講過幾次分手,其實愛極你有限啦,愛一個人係會包容,你男友完全冇,根本完全睇唔到佢邊方面愛你,你地住得咁近,如果愛你嘅唔好話一星期見二次,日日見都得啦!走啦sis,放生人等於放生自己呀,搵個錫你嘅啦,加油!

註冊日期: 2017-6-20

發表於 2017-7-17 12:53 | 顯示全部樓層
我同你住得好近 我男朋友住天水圍
都見得多過你
你想見佢 佢唔想見你
咁咪唔夾囉!

註冊日期: 2017-7-20

發表於 2017-7-21 08:19 來自手機 | 顯示全部樓層
佢生活都唔唔係好需要你 佢點會改 你想改變 唯有改變自己諗法 一係揾過個 一係就自己學下野 識下朋友去下街 唔好搞到成日覺得自己咁寂莫

註冊日期: 2017-3-10

發表於 2017-7-21 13:45 | 顯示全部樓層
覺得你世界只有佢,所有嘢圍住佢轉,咁唔得架sis, 你要建立自己嘅天地,佢踢波打機,你就整蛋糕學化妝做運動,當你唔再圍繞佢,佢就會主動求你見佢多啲。
當然都有例外,就係佢唔愛你,咁就更加唔洗理佢

註冊日期: 2015-6-5

發表於 2017-7-21 13:55 | 顯示全部樓層
你失去自己,沒有自己的生活。不停說不公平, 點解....點解 ....,你似乎不知道自己的問題,一個月發兩次脾氣係好煩,相信有其他野你認為無問題但對方覺得煩,所以唔想同居及見咁多。

註冊日期: 2017-3-15

發表於 2017-7-21 18:30 | 顯示全部樓層
上面幾位講得幾好,講曬我想講
[冇你我唔會過得唔好,但有你我會過得更好]

註冊日期: 2009之前

發表於 2017-7-21 19:11 來自手機 | 顯示全部樓層
你講咁多野反而我覺得你唔夠愛佢,愛一個人要包容,如果覺得委屈只能講佢唔適合你

註冊日期: 2016-7-24

發表於 2017-7-22 19:28 | 顯示全部樓層
Risa_Risa 發表於 2017-7-21 01:45
佢生活都唔唔係好需要你 佢點會改 你想改變 唯有改變自己諗法 一係揾過個 一係就自己學下野 識下朋友去下街 唔好搞到成日覺得自己咁寂莫

如果唔圍繞住佢,真系可以嗎?

註冊日期: 2016-7-24

發表於 2017-7-22 19:29 | 顯示全部樓層
樓主我明白你,
但有時可能會唔會系佢唔識向你坦白自己嘅諗法? 坐底傾下啦
可能會好d既
您需要登錄後才可以回帖 登錄 | 註冊

News
Feature
Blog
16 Oct 2019
Load more
 
NOTIFICATION