{ FORUM - GOSSIP }
Search
Title / Tags Author

查看: 50018|回覆: 25

唔知可以同邊個傾,我真係好大壓力好唔開心

[複製鏈接]

註冊日期: 2017-1-23

發表於 2017-4-6 04:08 | 顯示全部樓層 |閱讀模式
我係一個就黎20歲既女仔,讀緊大專。無論屋企,學校定朋友或者其他小事,我都覺得自己好失敗。

首先,我講下自己先。我讀書唔叻,無樣無身材無錢無學歷。中四開始翻兼職一路到而家(中六個年無做,因為要準備考DSE)。曾經試過同時打3份工。上年差啲有抑鬱症,睇咗差唔多成年心理治療師。今年仲有埋甲亢,皮膚又差,又成日病(氣管炎個啲)。

講下我屋企,唔算窮(啊爸啊媽加埋搵2萬多小小,1家5口住公屋,咩資助咩津貼都無)。由細到大到而家,我都唔係好中意我屋企。第一個原因係,細細個比屋企人打到大,到中1先無再打,個陣好憎我屋企人,因為佢地從來都唔會打家姐,啊爸錫家姐,啊媽錫細佬,屋企好似無人中意我咁。我每一次做錯小小野都會比人打,寫字多一筆少一點又打,欠功課又打,食飯恰眼訓又打,打唔係單純既用手打,佢地會用鐵尺,幾條藤條扎埋當一條用,衣架,你諗到既幾乎都試過(除咗摺櫈),每一次都幾乎打到流血。

記得有一次,我寫錯咗一粒字,結果比佢地罰我無得食飯,要抄個粒字一千次,抄完先有得食飯。抄抄下個陣,我屋企人就話我寫到啲字斜矖,要從新抄過,我話想要格仔字抄,結果又比人打,最後都係要係一張空白既A4紙到抄。依件事係係小學個陣發生

另一件事我無乜印象,係我屋企人同翻我講。個陣讀緊幼稚園,我比屋企人打到坐唔到,搞到學校搵我屋企人傾,仲差啲報警。

除咗上面個啲之外,係讀書個到,由細到大我話想學咩都無,我家姐細佬學咩都得,就係我無得。我好嬲,嬲佢地點解要咁對我,好懷疑我係咪佢地生。DSE放榜個排我真係好唔開心,喊咗好多次。我喊唔係因為我成績差(我考到12分,家姐先得5分,我細佬讀到中三就比人踢咗出校),我喊係因為想讀上去但我屋企人唔支持唔肯供我讀上去。佢地一句認為我唔係讀書既材料就否定咗我所有付出既努力。個陣真係成日都喊成日同屋企人嘈交,我好堅持要讀上去,我唔理屋企人反對自己去報咗IVE既FD,學費個啲有一半問我媽借,有一半係兼職儲落既錢。到我讀完FD,要升HD,但我屋企人仍然反對,我就貸款讀書。我屋企人從來都無讚過我,係一次都無,無論我比賽攞咗咩獎,攞咗咩証書,攞咗咩獎學金,佢地從來都無讚過我,由細到大都無。

到朋友方面,雖然我有一班好好既朋友,但係當中有一個朋友A由中一玩到而家,我同佢開始越黎越疏遠,越黎越唔識同佢溝通,我唔想無咗佢。


P.s. 我只係想有個渠道可以比我講曬我心裡面既野出黎。

回覆
+ Favorite

舉報

註冊日期: 2017-3-26

發表於 2017-4-7 00:41 來自手機 | 顯示全部樓層
第一次黎呢個區睇到你呢個post...雖然我冇類似經歷,唔能夠身同感受,亦唔識講咩好振奮人心既說話

我只想同你講,你喺咁既家庭環境中長大仍然能夠堅持不懈,能夠咁努力上進,你真係一個好堅強既女仔!單係呢一點就已經好值得欣賞!所以你加油呀,一路以來的經歷會令你變得更成熟,終有一日會苦盡甘來架(^_^)

至於你既好朋友,佢地絕對係你既重要支持,如果唔想失去就多d搵個朋友維繫友情啦,表達你有幾重視同需要佢,只要有心肯花時間一定可以溝通得到既

為你打氣

註冊日期: 2016-12-22

發表於 2017-4-7 06:54 來自手機 | 顯示全部樓層
我細個都係咁,比丫媽打到啪啪聲但又吾打我家姐,用鐵通都試過,兩歲比人趕出門口跪成晚,長年著長褲因為打到隻腳腫晒有時會打到流血全部都係疤。我讀書不嬲吾錯,我家姐長年吾合格,但每次我得九十幾分就打仲要跪係到訓示兩三個鐘,家姐就一句都吾話下,好記得中二我媽同我講叫我如果想讀大學自己好開始儲錢,因為吾會幫我比,但我家姐讀廚藝學院就按左層樓比佢讀,仲要讀左三個月就話覺得冇用吾讀,我開始反叛逃學吾讀書,個時真係得恨,係到近一年先開始放得開,

註冊日期: 2015-3-1

發表於 2017-4-15 23:10 | 顯示全部樓層
向前看,過去由他過去,活在當下,選擇開心的心情!

註冊日期: 2009之前

發表於 2017-4-16 17:15 | 顯示全部樓層
一念天堂丶一念地獄

要相信每個人都曾經有唔如意。撐唔撐得過去就只有靠自己。

想傾訴可以上嚟同be sis傾。但幫到你嘅人只有自己。

相信我,當你跨左過去,你會發現海闊天空。

撐住。

註冊日期: 2017-3-15

發表於 2017-4-16 17:31 | 顯示全部樓層
加油呀 你好堅強 冇自暴自棄堅持讀書 唔容易 你既堅持一定有成果架!

註冊日期: 2017-4-1

發表於 2017-4-16 17:44 來自手機 | 顯示全部樓層
我有一個家姐一個細佬
阿爸錫家姐阿媽錫細佬
唔同您既係我讀書好差,又係想讀其他野但父母唔認同所以無得讀
同我細細個果時比人打得太勁出左去住
去放狗閂埋門唔比我翻屋企,果時得12歲
依家已經28歲,結左婚
果啲事已經成為過去
想講既係您要加油,即使依家幾辛苦
將來係您自己既將來
您一定會擁有屬於自己既野
我知您真係好辛苦好辛苦,我經歷過
加油啊!
無倫佢地點對您差,但您都可以學下點去關心屋企人,打動佢地
您會有一日發現得到更多既野
Ps 我依家同屋企人關係勁好

註冊日期: 2017-1-17

發表於 2017-4-16 17:45 | 顯示全部樓層
我見到呢個post 特登登入黎鼓勵你

我二十中 除左家人方面 其他經歷都同你好似
20歲既時候 覺得自己係零 頭髮髮質差 皮膚底差 身體差 氣質差 乜都差
我的起心肝 搞好自己 箍下牙 茶下髮油 保養下皮膚 到宜家終於似翻個人
只要有恆心 美麗係可以累積架
當然 呢啲都需要錢
我見你好努力翻工賺多啲錢其實你已經好叻好有恆心
唔好打沉自己

至於讀書方面 有冇得申請下獎學金或者政府啲貸款?可以問下身邊借過既人呀

其實好多地方都提供到平台俾你傾訴下 我都有參加 24小時架 利申我只係參加者 冇利益
點都好 同人講真係好重要
你有同人講既念頭 就已經成功左一半嘞
加油

註冊日期: 2016-11-16

發表於 2017-4-16 18:28 | 顯示全部樓層
Hi 我同你好似身同感受 我經歷左廿幾年覺得冇開心過抑鬱諗過自殺
由細到大家人吾愛我 物質上明顯編心幾個家姐同妹 父母都系愛其他家姐妹
讀大專我自己俾錢讀 妹而家讀大專屋企人俾 我俾啲家用某程度供緊妹讀 幫佢買notebook手機所有電子產品
老實讀我由讀大專開始諗通左 心態可以改變一齊所有野 自己開心樂觀系最重要 吾好同其他人比較,出到社會更加多吾公平情況,喊系改變吾到,不如自己樂觀靠自己做一個獨立嘅人 愛自己更多 想學多啲興趣自己俾錢學自學都得
另外如果屋企人系甘冇理家暴報警吾系壞事 到時會有社工幫你
希望你盡早睇開啲喇

註冊日期: 2017-4-10

發表於 2017-4-16 18:58 來自手機 | 顯示全部樓層
其實屋企呢個收入, 如果資產冇超, 可以申請到學費資助ga, 未必全資, 一半都好

註冊日期: 2017-4-16

發表於 2017-4-16 19:24 來自手機 | 顯示全部樓層
我好明白您,我細個同您既情況差唔多,不過就家姐同妹都成績好好,我就係考得最差個個~我仲係一人位傷健人士,行動唔方便。。屋企亦都係打罵多過鼓勵同欣賞。。都係覺得冇人愛自己

我亦係一位情緒病康復者,情緒最壞既時間,身邊一位十幾年既最好既朋友都放棄左我。。當時真係喊到傻。。覺得冇人明自己。。

我唔會叫您加油,因為我知道您已經好努力,堅强同獨立,
我好欣賞您!有自己既理想同堅持!

嘗試下感受身邊值得感恩既事!記低佢~例如食雪糕有朱古力味 ^^~~您會有新既體會!

要好好愛自己!知道嗎? ^^

註冊日期: 2017-4-16

發表於 2017-4-16 19:25 來自手機 | 顯示全部樓層
樓主仲年輕,加油呀!

註冊日期: 2017-4-11

發表於 2017-4-16 19:36 來自手機 | 顯示全部樓層
我唔知呢個算唔算abuse..
i think you are a survivor instead of a victim!
ADD OIL!!!

註冊日期: 2016-5-22

發表於 2017-4-16 19:36 來自手機 | 顯示全部樓層
你唔係蘋果果位。。隻腳傷哂。。。想跳橋既女生嗎…?
家人唔支持。。自己都要撐自呀。。

註冊日期: 2014-11-24

發表於 2017-4-16 20:19 | 顯示全部樓層
你好叻女呀,自己賺錢讀書!

註冊日期: 2016-3-22

發表於 2017-4-16 20:43 | 顯示全部樓層
又有乜撚野所謂喎
我屋企重男輕女,打到我仆街,撞頭落牆,打臉刮臉打頭
用D不知所謂侮辱人又侮辱自己既字眼黎屌鳩我
我挑,當佢地唱山歌,我讀書麻麻,讀到HD咁岩讀正個難讀科,勁少人可以畢業既科,成功畢業既人係個位數
日做三份PT加埋全職上堂,搵埋搵埋都係夠交一期學費,食錢車錢都係死慳,果陣壓力大,皮膚衰到仆街
無屋企人錫,無男朋友錫,好彩有一班朋友,至少有一兩個屋企開明可以收留我過夜,唔駛訓街先
仲有好撚多血淚史,不過太多太長費時
到我出黎做野,佢地要我拎5千出黎俾個柒頭細佬交咩留位費,我第一個月返工得果7千幾,我都照拎出黎
佢地點對我?覺得應份,依然錫撚哂個西仔
我已經睇化,無論做乜撚都好,都唔及一個真係有撚既寶貝仔
我男朋友都知道我屋企,我同佢都講明,當年佢地咁對我,我實記足一世,無論佢地依家老左啦,對我點好都好,我都無辦法再次真心對佢地
咪撚岸鳩,咪撚糟蹋我一片真心
我最需要關心同支持,佢地無咁做,依家我大左,駛撚佢地關心咩屌
好多朋友都同我講,以後有能力就離開所謂既屋企
有事無事都唔好理佢地,得閒請佢地飲個茶已經算盡孝道
不過香港地,想自己搬出黎都難
樓主,有人話如果個女仔屋企過得唔好,會有個錫你既男仔出現架,你等下啦,我都等左幾年先出現

註冊日期: 2017-4-16

發表於 2017-4-16 21:58 來自手機 | 顯示全部樓層
樓主加油,特登開ac 留cm比你
以前我都係咁,雖然好過你
由小一開始打我,搞到我返小學唔想返
到發生我行為開始失控,要見學校社工
睇心理醫生到中一,二
睇完係好左樂觀左多左野講
由小學無朋友到中學有朋友
我成績唔算好但都依家我都做緊穩定既全職
即使佢地對我呀哥幾好
例如:唔洗比家用,唔洗佢還錢,佢要咩
都有咩,話我要供樓比我呀哥以後有得住
我係有時唔鐘意佢地

註冊日期: 2015-10-1

發表於 2017-4-16 22:52 來自手機 | 顯示全部樓層
你咁後生仲有大把青春改變人生,我已經30+++了,而且長期病患,咩都無,都要繼續努力行落去。。。

註冊日期: 2010-3-26

發表於 2017-4-16 22:53 來自手機 | 顯示全部樓層
向前看,要為自己活得更加好,不要太在意和其他人比較。長大出來工作,亦會識到好多朋友及知識,人生係好漫長,要好好愛惜自己,不要把不快事放大,每天令自己開心係最重要。你睇下大家素未謀面,都有咁多人鼓勵你,有事就要和人分享,活在當下,加油!

註冊日期: 2017-3-27

發表於 2017-4-16 23:08 來自手機 | 顯示全部樓層
加油呀,好彩都撐到大個左,到出到黎做野動力賺多錢出黎住好點都好,唔會比爹地媽咪睇死,不過偏心呢d野就一定有,不過就過份左d la
而朋友方面疏遠左,係因為朋友拍拖?如果係疏遠左都好正常,朋友又唔一定成日見先叫好朋友ge,還是佢識左其他朋友?不過你自己都擴闊自己圈子,每個人大了就會新ge圈子ge
努力向前看la,加油,儘量唔好比人影響到自己
您需要登錄後才可以回帖 登錄 | 註冊

News
Feature
Blog
Load more
 
NOTIFICATION