{ FORUM - LOVE }
Search
Title / Tags Author

查看: 46703|回覆: 32

你地有無同過同年齡既人拍拖?

[複製鏈接]

註冊日期: 2016-7-18

發表於 2016-8-13 03:19 | 顯示全部樓層 |閱讀模式
通常食野同睇戲都由男方俾的嗎?
我覺得我男朋友好計住計住,唔肯洗錢係我身上,同佢一齊左3個幾月,真心完全無送過份禮物或者買野俾我,好似生日咁,大家同月生日,但生日禮物就係互送俾大家既情侶鞋,名義上係送左,但實際上等於自己買俾自己咁,都幾灰暗架,唔好話我貪心,要求男仔送野俾我,我從來都唔會主動叫佢買野俾我,同食野都會帶我食d平平地既野,不過佢會俾錢,但當我想買自己想食既野時,佢亦唔會主動幫你俾錢,只係同你講佢唔食了,但買完佢又會食,仲有有時食親野佢都會話唔記得禁錢,但又唔會去禁左錢先食野,等我埋單,咁你地點睇呀?我同佢係上網識的,所以想問下你地男朋友會咁樣的嗎?
回覆
+ Favorite

舉報

註冊日期: 2015-10-25

發表於 2016-8-13 04:30 | 顯示全部樓層
用唔記得㩒錢呢招就核突左啲,如果係一次半次都無ok既。始終如果相愛,想有將來係唔應該計算太多,你男朋友性格好明顯唔係豪爽個種,人夾人啦。

註冊日期: 2016-7-18

 樓主| 發表於 2016-8-13 10:07 | 顯示全部樓層
flymetothemoon 發表於 2016-8-13 04:30
用唔記得㩒錢呢招就核突左啲,如果係一次半次都無ok既。始終如果相愛,想有將來係唔應該計算太多,你男朋友性格好明顯唔係豪爽個種,人夾人啦。

仲有,有時話無禁錢,就照入去食野,我覺得點解唔即刻去禁錢先既,我咪話咁我俾住先,之後佢就成日話唔記得禁錢乘機叫我俾住先,因為我有信用卡係身,但到左幾日都無俾返錢我,唔明佢點解咁

註冊日期: 2016-2-12

發表於 2016-8-13 10:24 | 顯示全部樓層
下次同佢出去食飯,你咪用番佢嗰招嚟招呼佢囉,睇吓佢會點

註冊日期: 2016-1-17

發表於 2016-8-14 23:44 | 顯示全部樓層
有,我就來比佢激到爆血管

註冊日期: 2016-4-15

發表於 2016-8-15 00:19 | 顯示全部樓層
我男朋友都唔會買禮物俾我,但出街所有駛費都係佢俾,連去7-11買支水/搭小巴佢都會好主動拎錢出黎,間唔時無散銀先會問我有無。當然佢對我好我心知,所以亦都會喺其他方面對佢好,例如煮野俾佢食,行街見倒岩佢嘅野買俾佢。
想講嘅係,每人對金錢都有唔同概念,如果自己係afford倒,又唔介意出返份嘅,可以繼續咁落去。但如果真係介意嘅,就真係要拎出黎大家講下,始終心入面好似有條刺咁大家相處唔會開心。
另外你男友話無襟錢嗰招,我覺得係間接叫你俾錢咁......

註冊日期: 2016-2-15

發表於 2016-8-15 09:56 | 顯示全部樓層
咁鬼姑寒,好肉酸呀.
你頂到佢3個月 但唔會頂到3年囉

註冊日期: 2016-1-13

發表於 2016-8-15 10:16 | 顯示全部樓層
三個月其實好短時間~同埋我覺得係你太斤斤計較~
無人可以阻止到你點諗野~
不過你成日都無計黎計去~唔開心既只有你自己~

註冊日期: 2014-10-24

發表於 2016-8-15 10:25 來自手機 | 顯示全部樓層
你地幾大啊…
我不嬲AA開,冇話要男方比晒
男朋友有時會冇㩒錢,我都主動話我比,下一餐佢會比返/佢㩒完比返我
你覺得佢想貪你小便宜?既然係咁,我諗你都係唔好同佢行落去,3個月就有咁既心情你之後都唔會開心

註冊日期: 2011-7-7

發表於 2016-8-15 10:30 | 顯示全部樓層
唉, 同我ex一樣, 度縮到pk. 有次我生日咁出街慶祝la, 佢見我去禁錢, 自己明知帶唔夠錢都唔去禁, 食完野大安旨意咁等我埋單, 我嬲到喊. 之後有一次, 佢買野但銀包又唔夠cash, 問我借住先, 之後比返. 點知一直都冇還返比我, 咁我出聲問佢la, 佢竟然話係我第二度既開支抵銷左. 洗錢佢永遠都只會洗佢自己身上, 就算出街買小食咁, 都只會買佢自己個份, 最多比一兩啖我食. 個次因為初戀, 以為拍拖咁樣係正常, 同li條廢柴都糾纏左成年, 諗起都仲好嬲! 做朋友都唔會計到咁盡la, 何況男朋友? d cheap到咁既男人你唔係仲會想同佢呀?

註冊日期: 2016-4-7

發表於 2016-8-15 10:39 | 顯示全部樓層
我同男友大部分都係AA,都一齊好多年。
可能我無計住佢出幾多我出幾多掛。
你地先一齊3個月,點解要覺得人地又要送禮物、又要俾錢出埋你份先? 唔通只係因為佢係男人?
先啱啱開始一齊,我覺得你可以同佢傾下。
如果佢一副死都唔俾明屈你嘅態度,咁你可以直接唔同佢一齊啦。

註冊日期: 2014-8-28

發表於 2016-8-15 10:43 | 顯示全部樓層
你地係唔係好細個咖?
如果呢家3個月都唔開心,好難行落去啊...
有D男仔係比較度縮,我都試過...
不過真係人夾人啦!

註冊日期: 2016-7-18

 樓主| 發表於 2016-8-15 10:53 | 顯示全部樓層
Marilyna 發表於 2016-8-15 10:31
你地幾大啊…
我不嬲AA開,冇話要男方比晒
男朋友有時會冇㩒錢,我都主動話我比,下一餐佢會比返/佢㩒完比返我
你覺得佢想貪你小便宜?既然係咁,我諗你都係唔好同佢行落去,3個月就有咁既心情你之後都唔會開心

你講既情況真係十足十我個個一樣

註冊日期: 2015-8-22

發表於 2016-8-15 11:04 | 顯示全部樓層
好簡單,搵你笨

註冊日期: 2014-11-12

發表於 2016-8-15 11:20 來自手機 | 顯示全部樓層
拍耐左我就唔太注重(佢亦無乜)送禮物嘅,不過我男友都係買支水都會主動比錢, 係唔夠散紙先問我有無。或者間中好細數嘅野先會話不如你請返我叫我比 (比拍拖初期我係少左主動比錢)

你男友又真係度縮左D, 如果大方AA仲好少少, 成日話無cash 似搵笨。

上網識呢個就好難介定係咪就唔好, 宜家呢個年代個個都上網, 最主要真係觀察佢本身有無問題。

註冊日期: 2014-10-6

發表於 2016-8-15 11:40 | 顯示全部樓層
本帖最後由 kitty123 於 2016-8-15 11:42 編輯

同我一樣,男朋友仲細過我一年,一齊左3年,都係同一個月份生日,大家都唔係好有錢,自己想食既野出下錢有咩所謂?又未結婚,有咩必要人地咩都幫你出錢,其實一齊大家開心咪得囉,你男朋友同你斤斤計較,你都要體諒下佢點解會咁度縮.
反而我唔明點解咁多女仔出街咩費用都要男仔出錢....

註冊日期: 2013-9-5

發表於 2016-8-15 12:33 來自手機 | 顯示全部樓層
我老公都係網上識,不過係某地方預見對方,當時大家冇講大家係網上朋友,最後我地結埋婚,我拍拖時我以經知我老公冇錢好窮唔介意,佢住左我屋企3個月,3個月冇返工,我出錢養佢,當佢搵到一份人工3萬至4萬人工日日請我食大餐~~雖然佢會跟跟計較,呻完就冇野唔會問我拎番

註冊日期: 2015-8-28

發表於 2016-8-15 12:43 | 顯示全部樓層
只可以講你想要既男朋友係包埋你洗費, 而你依加果個唔係, 咁你搵過個啦

註冊日期: 2014-9-17

發表於 2016-8-15 13:57 | 顯示全部樓層
我同我老公都同年同月,以前拍拖都係互送禮物,但出街食野有時佢俾有時我俾咁,唔會話次次都係佢或我俾

註冊日期: 2015-10-16

發表於 2016-8-15 15:04 | 顯示全部樓層
你搵過個算啦,你想要嘅唔係佢呢d
您需要登錄後才可以回帖 登錄 | 註冊

News
Feature
Blog
Load more
 
NOTIFICATION