{ FORUM - LOVE }
Search
Title / Tags Author

查看: 16393|回覆: 45

男朋友落LKF (no fb)長

[複製鏈接]

註冊日期: 2015-11-8

發表於 2015-12-5 16:06 | 顯示全部樓層 |閱讀模式
本帖最後由 coho 於 2015-12-5 20:33 編輯

同左佢一齊之後 我都知佢會落LKF ge.. 但係我會信佢唔會去抽人水,食人豆腐 ,但係我最基本既係要男朋友同我講佢落LKF,因為我唔想好似咩都瞞住我咁同埋唔想事後去完先比我知。

之不過我地有用snapchat,佢都會影比我睇,但到之後同fd去就唔影,同呀哥去個d就影(可能有枱掛),同埋佢去左幾次都冇同我講過,我地晚晚都傾電話,有時就話我唔同地傾得耐,我一陣間要落LKF。

我地兩個都仲讀緊u,上年我地岩岩一齊,佢淨係陪左我平安夜,想問下佢倒數去邊,佢淨係話陪fd,點知比我知佢又去左LKF,我問佢佢又唔應我,同我一齊倒數d fd個個男朋友都黎哂陪佢地,得我一個男朋友就同fd去左LKF,仲要d fd問我你放心架啦,咁重要既日子佢都唔陪你。個陣真係好唔開心。

我地一齊都冇check大家既電話,都係比信心大家,自問自已唔會成日蒲,男朋友一見到我有男仔fd都會問係邊個黎,其實都係中同,之不過佢讀男校,好少女仔fd,但係佢比我發現用tinder,用黎緊係flirt女啦,因為我偷睇佢電話,我發現左好多野,見到佢係LKF攬女影相,仲要好多張,好多個,佢個樣真係好開心,tinder又儲落一埋女,後尾我有次同佢嘈交,我問佢有冇,佢都話冇,仲即刻del左,唔比我睇(其實我一早睇左),仲話我信得過佢就唔會睇佢,仲話係d女仔搵佢,唔係佢開口先,事實緊係佢開口搵人人地唔覆佢啦,佢再哄番我,經過呢一次之後,我其實對佢既信任少左好多。點解我對tinder咁係因為佢入面有個人係我fd黎,仲話人地好正,當我同佢講係我fd,佢即刻都唔搵人,驚我知我fd再同我講。我之後又有dl 比佢發現左就話我姣話我唔專一,當我話番佢,佢淨係話因為佢d fd都用,所以佢都要用(完全唔make sense)。

個陣佢生曰我陪佢過啦,請佢食飯同埋買左個好特別既蛋糕比佢,都有買野比佢既,係對係香港已經冇得買既...我係特登係日本買,佢都冇post過相,我問佢佢話唔記得左,但過左個禮拜,佢哥係LKF開枱順便慶祝埋佢生日,個個screen有寫埋佢個名,佢個晚即刻post相,仲話係最最好既生日禮物,其實我真係唔開心,好似我既心意都唔比一個淨係識係LKF發枱比錢既哥好
我都想自己男朋友可以定性,但佢又會講,而家唔玩等幾時,女朋友唔係一個死物,你鐘意就陪佢,唔鐘意就當作發UP風
回覆
+ Favorite

舉報

註冊日期: 2015-11-8

 樓主| 發表於 2015-12-5 16:14 | 顯示全部樓層
有時佢又對我好好,有時又好難頂,一齊左年半,真係唔知想點。 有冇sis既bf 都落LKF,你地點管佢架?如果佢落LKF佢點比安全感你?地?

註冊日期: 2015-7-22

發表於 2015-12-5 16:59 | 顯示全部樓層
其實同落唔落LKF係無關係,家下個問題係佢尊唔尊重你,如果重視你感受就唔會做d令你唔開心既野啦,自己考慮下

註冊日期: 2015-8-4

發表於 2015-12-5 17:07 | 顯示全部樓層
睇完樓主故仔感覺係樓主唔係故仔形容既咁開放。

理論篇 : 老蘭只係一個地方, 唔係去既人都係負面
事實篇 : 老蘭的而且確形象係一般向下, 你話唔標籤一定係假, 佢會去蒲, 都唔方定性得去邊亦係真

人生有九十年計, 年半請問有幾耐, 無論你係咪U緊, 係好既, 分分鐘已經結埋婚。其實男人可能只係想:「有一個叫女朋友既物體係隔離, 以展示日間健康形象」

個人唔會勸樓主盡早離開, 因為樓主必然好快會同佢分開
畢竟樓主已經踏出打上論壇既一步。

祝樓主好運, 識返個好人

註冊日期: 2014-10-24

發表於 2015-12-5 18:18 | 顯示全部樓層
He still wants to play around. My boyfriend n I go LKF together, if he really loves u n respects u, he would have go less but he didn't. U know how serious he is in this relationship I m sure.

註冊日期: 2015-11-8

 樓主| 發表於 2015-12-5 18:50 | 顯示全部樓層
Vnana 發表於 2015-12-5 10:18
睇完樓主故仔感覺係樓主唔係故仔形容既咁開放。

理論篇 : 老蘭只係一個地方, 唔係去既人都係負面
事實篇 : 老蘭的而且確形象係一般向下, 你話唔標籤一定係假, 佢會去蒲, 都唔方定性得去邊亦係真

人生有九十年計, 年半請問有幾耐, 無論你係咪U緊, 係好既, 分分鐘已經結埋婚。其實男人可能只係想:「有一個叫女朋友既物體係隔離, 以展示日間健康形象」

個人唔會勸樓主盡早離開, 因為樓主必然好快會同佢分開
畢竟樓主已經踏出打上論壇既一步。

祝樓主好運, 識返個好人

佢話落LKF唔係玩 係識朋友 識一大堆好有錢既人 因為個堆人有d同佢呀哥好好朋友 佢亦會覺得佢既朋友圈子會大左 講到好似落老蘭係為將來打算咁 我打上黎真係想聽下大家對呢個男仔會有咩睇法

註冊日期: 2015-11-22

發表於 2015-12-5 19:31 來自手機 | 顯示全部樓層
睇哂之後
可以同你講依個男人係大話精人格相當有問題,信唔過遲早背叛你
年半青春俾左依啲人已經好浪費,但愛情真係盲目,
希望樓主明白做被分手個果好容易放唔開,加油。

註冊日期: 2013-7-26

發表於 2015-12-5 20:27 | 顯示全部樓層
一睇就知佢重想玩啦

註冊日期: 2015-11-11

發表於 2015-12-5 23:22 來自手機 | 顯示全部樓層
佢未玩夠,你暫時唔係果個可以令佢收心養性的人

註冊日期: 2010-7-27

發表於 2015-12-6 00:20 | 顯示全部樓層
大家方向目標都唔同,無謂令自己咁辛苦

註冊日期: 2011-10-10

發表於 2015-12-6 02:32 來自手機 | 顯示全部樓層
落老蘭識有錢人?淨係聽佢呢句都知佢份人5得腳踏實地喇,跟住又攬女又講大話又盛呢啲,簡直負分,飛得

註冊日期: 2015-11-8

 樓主| 發表於 2015-12-6 02:50 | 顯示全部樓層
Qwerty0001 發表於 2015-12-5 03:23
一睇就知佢重想玩啦

係咪定性就唔蒲架啦?

註冊日期: 2015-9-19

發表於 2015-12-6 03:40 | 顯示全部樓層
定性又唔可以話唔會蒲 但有女朋友仲媾女一定唔係定性

註冊日期: 2015-11-22

發表於 2015-12-6 04:06 來自手機 | 顯示全部樓層
有好多女人用左成個青春等個男人改變
最後都係被傷害得更徹底,你好好諗下啦

註冊日期: 2015-12-1

發表於 2015-12-6 04:26 | 顯示全部樓層
別浪費時間

註冊日期: 2015-11-8

 樓主| 發表於 2015-12-6 04:37 | 顯示全部樓層
sadalone 發表於 2015-12-5 08:07
定性又唔可以話唔會蒲 但有女朋友仲媾女一定唔係定性

我地拍拖係用結婚做目標架 佢唔想一直哂時間係指拖上面 所以我信佢唔係玩玩下 但係佢既行為令人好難信

註冊日期: 2015-11-22

發表於 2015-12-6 04:49 來自手機 | 顯示全部樓層
coho 發表於 2015-12-6 04:37
我地拍拖係用結婚做目標架 佢唔想一直哂時間係指拖上面 所以我信佢唔係玩玩下 但係佢既行為令人好難信  ...

一係你試下諗你地結左婚佢都仲係會去玩攬女又唔公開自己結婚相
係結左但係咁你開心咩

而且佢一啲避忌心都無,有啲女人有心既話唔洗十秒佢地都玩到上床啦,
雖然未必偷到個心,
如果照你咁形容 你係得到佢個心但佢個人要同人分享,你接受到咪得....

註冊日期: 2013-5-4

發表於 2015-12-6 10:13 | 顯示全部樓層
我男朋友大我9年,我今年22歲,佢31歲
佢同我一齊之前又係成日同班friend落LKF,
之前既佢好似隻冇腳既雀仔,唔鍾意拍拖種束縛,講過覺得拍拖好有壓力,例如要向對方報到自己去邊&做咩etc...
而家同左我一齊之後,變得定性左,冇再成日落LKF,就算落都係因為啲兄弟生日,落去飲兩杯,去到邊都會同我講&影相俾我睇,不過我從來冇要求過佢咁做
其實男人冇得管,亦冇得改變佢,佢有一日玩夠就會定落黎,
但好明顯你男友啱啱先開始,有排玩,你想繼續就要選擇隻眼開隻眼閉
但做女人無必要難為自己,樓主自己問心接唔接受到,俾個底線自己,做女人要有尊嚴

註冊日期: 2015-9-23

發表於 2015-12-6 10:28 | 顯示全部樓層
其實成件事我覺得係個男仔講大話既問題,落LKF係可以...但因為咁而忽略你係好唔應該,你可以同佢傾下時間分配既問題,如果改變唔到,Sis你真係無謂令自己唔開心

註冊日期: 2015-4-14

發表於 2015-12-6 12:36 來自手機 | 顯示全部樓層
一對情侶能唔能夠結婚,真係好講 timing。男人玩夠岩時候自然會修心養性。樓主等五等共勉之。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION