{ FORUM - LOVE }
Search
Title / Tags Author

查看: 33772|回覆: 43

愛上老師呢六年,我一啲都唔好過。(長文)

[複製鏈接]

註冊日期: 2015-6-14

發表於 2015-6-15 00:21 來自手機 | 顯示全部樓層 |閱讀模式
我年紀唔大,今年二十歲。

十幾歲情竇初開,大家都會暗戀下班入面嘅男仔,我都唔例外。

直到中三戈年,我發現我愛上嘅,唔係同學,而係我老師。當時佢應該廿尾,唔算靚仔,但好幽默好charm。

當然,個個都會當係豆芽夢。

其實我自己都以為係。

戈種一見到佢心跳加速,每分每秒都掛住佢嘅感覺,我仍然歷歷在目,衰又衰在佢同學生好FD,我同佢都算叫比較熟,得閒無事會吹下水,係Facebook吹下水咁,見面又互疾下,搞下爛gag。

我成績唔好,係100-120名咁上下。就係咁,我為左佢,好努力讀書,終於比我揀到佢戈科,理科,我唔係咁中意同擅長嘅科。

同時,我唔識得點樣handle呢份感情所以比佢發現左。

佢疏遠左我一段時間,然後又變到好似從前咁有講有笑。

其實我一路都唔知佢感情狀況,我淨係知未結婚。我一廂情願咁覺得只要我一grad,我就會有機會可以成為佢嘅女人。完全無考量過自己靚唔靚,襯唔襯得起佢。可能咁多位sis會批鬥我,師生戀係不道德,係unacceptable,blablabla...但係,中意一個人,點諗得咁多?

中四中五,我就不斷重覆咁經歷佢對我嘅忽冷忽熱。一時同我好好傾,一時當我透明人,走廊見到我要調頭走戈隻。我就不斷沈浸係有希望and無希望之間。可能旁觀者清,一望就知師生戀無可能。但係我呢個當局者,因為摸唔透佢心思所以一直沈醉係自己世界入面。為左多啲見佢,我專登放hea黎讀,希望有機會親近佢多啲。殊不知,係呢個game入面,我單止佢戈科讀唔好,其他科都差左。

終於到左中六。我明確咁知道左佢有女朋友,同時,佢都好明確咁同我劃清界線。呢個時候,見到我就避,無再chitchat。

然後,我就係迷戀佢嘅時光中grad左。

我以為,grad左之後,佢會放低我中意佢呢件事。

但係,一年後我翻去探老師,佢仍然係閃閃縮縮連望住我同我打個招呼嘅動作都做唔到。乜我真係咁黑你憎咩?點解連一個招呼都唔打得?

我完全失落到冰點。一來,佢避我,二來,原來我所謂嘅忘記根本係得個講字。

但係呢個男人,霸佔左我個心六年。雖然我唔係咩極品,但我不乏追求者,但係我無辦法抽身去愛其他任何一個....到左今時今日,由十四到二十歲,呢一分呢一秒,我仍然愛佢。我經常夢見佢,對住佢嘅相發呆,然後默默流眼淚。

我恨我自己,點解解脫唔到。
如果我地唔係老師與學生,結局會晤會唔一樣?

我相信,我對你嘅感覺唔係你所諗嘅豆芽夢。

我會永遠記住你對我講嘅戈句"相逢恨晚"。

希望我可以快啲搵到下一個你,去填補我心中嘅創傷。

佢依家結左婚,希望佢幸福。
希望來生,我可以做你嘅女人,你可以愛我一萬年。

各位sis又有無故事可以分享下?
回覆
+ Favorite

舉報

註冊日期: 2015-5-16

發表於 2015-6-15 00:33 來自手機 | 顯示全部樓層
係悲哀 悲哀在於雖然佢已經用行動表示拒絕 但你仍然沉醉於一廂情願甘愛佢 不過其實呢位啊sir做得幾好啊
首先佢同你坦白講佢有另一半
跟住知道你喜歡佢佢就故意避開你
甘樣係負責任既做法,對佢自己,佢老婆同你都公平,所以你唔應該怪責佢。

註冊日期: 2014-9-13

發表於 2015-6-15 00:37 | 顯示全部樓層
Er...
我唔會對sis既師生戀反感
因為感受到你份感情好真
但係我覺得好多都係你一廂情願⋯
單戀既一角要點可以怪另一方呢
而且作為老師如果知道仲同你咁close
咁仲錯 後果一樣係影響你成績
同埋對方對佢女朋友專一
先會刻意迴避 就係唔想再令你誤解
唔好怪我講得太直⋯
師生戀確係難有結果
祝福他吧

註冊日期: 2014-9-13

發表於 2015-6-15 00:38 | 顯示全部樓層
Knight Light 發表於 2015-6-15 12:34
係悲哀 悲哀在於雖然佢已經用行動表示拒絕 但你仍然沉醉於一廂情願甘愛佢 不過其實呢位啊sir做得幾好啊
首先佢同你坦白講佢有另一半
跟住知道你喜歡佢佢就故意避開你
甘樣係負責任既做法,對佢自己,佢老婆同你都公平,所以你唔應該怪責佢。

You are right
That is the point

註冊日期: 2015-5-15

發表於 2015-6-15 00:48 | 顯示全部樓層
其實為人師表` 極其量都係一份職業
至於佢點解去面對[愛情]或[師生戀]都有可能係一個新手

我淨係感受得到佢唔識點樣處理師生戀既一個人
同時佢係你心目中佔左有一定比例係會比較難放下
"如果我地唔係老師與學生,結局會晤會唔一樣?"
可能真係會唔一樣` 但係依一刻你相處緊既世界 結果係唔會變

祝你盡早放下` 搵到另一個可以在你生活中佔更大部份既人

註冊日期: 2015-5-1

發表於 2015-6-15 00:51 | 顯示全部樓層
我同屆有個男同學同左個miss一齊 grad左之後結婚 洞蜜月 其實無咩問題 但你拖得太耐 而且男仔耐性無女仔咁高 可能之前有feel都變無feel

註冊日期: 2015-4-24

發表於 2015-6-15 00:53 | 顯示全部樓層
以前有個好朋友同老師一齊左,我見證佢地愛曖拍拖畢業(老師都轉左其他學校教),最後佢地拍左5 年拖都分左手。
感情無話對錯,個老師負左責任,避開你其實對你好事,佢唔想你想多。20 歲仲大擺青春,好好享受時光吧,身邊仲有好多好男仔嫁。過多10年8年你回望返其實係段好回憶,或者會諗點解自己果陣甘傻。

註冊日期: 2015-6-14

 樓主| 發表於 2015-6-15 09:44 來自手機 | 顯示全部樓層
Knight Light 發表於 2015-6-15 00:33
係悲哀 悲哀在於雖然佢已經用行動表示拒絕 但你仍然沉醉於一廂情願甘愛佢 不過其實呢位啊sir做得幾好啊
首 ...

我明白,但係點解佢當初唔一早斬纜,如果佢早多兩年咁做,同我講清楚,我可能唔會踩得咁深,我依家每一日都過得好痛苦。

註冊日期: 2014-11-9

發表於 2015-6-15 09:48 來自手機 | 顯示全部樓層
作為老師。。無可能永遠唔接觸學生。。

只係你自己單方面入人位

而家怪個老師??

註冊日期: 2015-1-6

發表於 2015-6-15 10:23 | 顯示全部樓層
sis 我好欣賞你  因為我未試過中意一個人咁耐  重點係單戀
起呢個世代見到咁真咁長情ge故事真係好感動...
我通常都唔會主動中意人  係人地追我/ 同我曖昧... 我先會對佢有感覺...

sis 你一定要振作   遲D一定會遇到一個好似你對那位老師一樣咁真誠咁愛你的男人

註冊日期: 2012-6-7

發表於 2015-6-15 10:49 | 顯示全部樓層
有朋友都係好迷戀老師, 但無表現出黎...直至佢畢業, 佢半工讀, o係學校做教學助理, 再同老師多左接觸, 就係咁佢地一齊左, 拍左5年拖之後結婚, 而家生埋個仔~~

身份好重要, 當你仲係學生時, 你想佢點對你? 呢d係禁忌, 會令佢身敗名列, 你想佢為你背負d咩?
既然佢有女朋友, 就放手啦, 放過佢都係放過你自己呀...

註冊日期: 2009-8-19

發表於 2015-6-15 12:07 來自手機 | 顯示全部樓層
我冇鍾意過老師,但我成日夢見以前中學鍾意過既男同學… (已經10年了) 。明明我已經拍過好多次拖 呢家都有穩定男友,同佢亦冇contact. 真係唔知點解會咁… =.=

註冊日期: 2015-6-3

發表於 2015-6-15 12:08 來自手機 | 顯示全部樓層
其實我寧願佢同你講清楚無可能
總好過唔鐘意你 但仲同你瞹昧
不過佢系老師身份正常都會咁做

不過我唔覺得師生戀有問題
任何戀愛都系只要系大家都愛對方
而且大家都系單身我就覺得無問題

註冊日期: 2014-9-11

發表於 2015-6-15 12:09 | 顯示全部樓層
我都曾經愛上左一個老師,大大話話都由中三鐘意到ASSO YEAR 1(應該同你差不多長)
所以我睇完你故事,感受好深好明白!!!
同樣地我又係為左佢好努力讀書,我數學由小學到中二,都未曾合格過,就因為佢,我有好大進步!!!
不過真係無可能既兩個人...
最後我到依家仍然覺得佢係最好,只係已經轉變左係祝福佢

註冊日期: 2012-12-14

發表於 2015-6-15 12:15 | 顯示全部樓層
有無諗過 可能係因為得唔到 所以唔肯忘記

註冊日期: 2015-3-19

發表於 2015-6-15 12:35 來自手機 | 顯示全部樓層
我同你既情況唔係好同 我都係終意左個老師 終意左兩年 其實我自問兩年都唔短 但你六年真係好長情! 我好明顯地終意個老師 而佢都知我終意佢 但佢完全冇避我 佢應該當我細佬仔玩下 畢左業就會唔記得佢 所以一直以來佢係當我好似朋友咁掛 其實我都唔知佢點諗~ 兩年以黎都過得好開心,有好多回憶。有試過好幾次懷疑佢有女朋友既 但都唔確定。我知佢無論有定冇都會話冇,所以我就當佢冇啦。終意佢既期間,可以盡情咁對佢好,真係件好正既事,我冇理咩付出幾多,得到又有幾多。我淨係覺得可以付出已經好幸運,起碼有付出既機會,就算佢唔係終意我,都起碼接受我對佢既好。好啦,而家畢左業,我都知就快bye bye。既然遲啲都見唔到架啦,所以我會表白,搏埋最後一舖,預左被拒絕,但起碼比左個機會自己。

註冊日期: 2015-6-15

發表於 2015-6-15 12:40 | 顯示全部樓層
我好明白你感受呢。我自己係18歲個時報左D進修Course,同個導師關係曖曖昧昧(佢大我12年),Lunch個時會約埋一齊拖住手去食飯,佢又好關心我,每日返到工都會話我知,讀完Course有一晚我同佢行返屋企,佢好暗示咁話我地冇可能。之後大家好疏咁send message,到上年佢同我講佢要結婚,之後我都冇再搵佢。我到依家都忘記唔到佢嫁,但我會祝福佢。

註冊日期: 2015-6-14

 樓主| 發表於 2015-6-15 12:48 來自手機 | 顯示全部樓層
Josie.s 發表於 2015-6-15 12:09
我都曾經愛上左一個老師,大大話話都由中三鐘意到ASSO YEAR 1(應該同你差不多長)
所以我睇完你故事,感受好深 ...

我今年Asso畢業喇。

註冊日期: 2015-6-14

 樓主| 發表於 2015-6-15 12:51 來自手機 | 顯示全部樓層
可能有人會覺得我係新開嘅ac
係到作故仔
但係,其實生活入面一定會有咁樣嘅例子
我地中意老師嘅,可以點樣搵人傾訴
同同學朋友講等於全世界都知
所以只可以放係心入面
只係抑壓左好多年
想搵個無人識嘅地方發洩下

我只係想搵個地方
有人可以聽我娓娓道來
講我呢個廿十歲 入世未深嘅女仔
所經歷嘅故事
有人話我用字好老積
但係呢個確實係我嘅感受。

註冊日期: 2014-11-12

發表於 2015-6-15 13:19 | 顯示全部樓層
其實愈絕愈好, 愈避愈好, 忽冷忽熱好似坐過山車咁仲辛苦
其實幾愛都好一定放低到, 係差在你點諗JEI,
樓主你仲咁細個, 仲有好多人會遇見的^^
您需要登錄後才可以回帖 登錄 | 註冊

News
Feature
Blog
Load more
 
NOTIFICATION