{ FORUM - BEAUTY }
Search
Title / Tags Author

查看: 54341|回覆: 484

我的隱適美COOL牙分享:D:D:D

[複製鏈接]

註冊日期: 2014-5-31

發表於 2014-6-1 02:40 | 顯示全部樓層 |閱讀模式
本帖最後由 haana 於 2016-2-28 19:50 編輯

好細個已有cool牙念頭 對我黎講係一個重要既決擇,
因為cool牙真係好貴 而且係變靚既開始!!
希望我既分享同經驗 可以令你們作出最好既選擇

第一步 資料搜集 選擇cool牙方法
( 傳統cool牙 <外箍和內箍>  or 隱適美 )
點解第一步吾係選擇牙醫先呢?
以我既經歷 我咨詢既3位牙醫 第一句都係問我覺得自己有咩問題
希望點樣改善。當然你選擇既coo牙方法真係未必適合
都要咨詢過牙醫先好作出選擇。
但我認為唔知頭唔知路就上去檢查 唔係應有既cool牙態度 哈哈!!
你付出金錢出黎 當然要知頭知路 問到底先決定。
至少佢叫你整x 你可以問下佢點解唔唔可以整y??
又或者 可能3位牙醫建議既方案都唔同 (當時我第1位就同另外兩位就唔同)
咁你都要知頭知路 先可以做到正確選擇 。

所以睇多d資料 搵一個最適合自己既方法。
eg 你想cool快d 但唔知頭唔知路地選擇左隱適美 邊個涉底??

好! 廢話小講! 去字! (小小背景資料)
傳統cool牙即係 牙齒上痴上牙釘同穿上鋼線,然後依靠鋼線的彈性,
慢慢移動牙齒去預定位置.  
牙釘可分成金屬(銀色)/透明/白色 不過後果兩者$相對貴點
傳統牙cool比 隱適美 有力D / 平d/ coo牙時間快點。

但我最終選擇左隱適美 個牙cool係透明果種
如果唔講我cool緊牙 人地好難會發現我cool緊
至少我依家cool左10個月 仲未有人係自己察覺而知道
隱適美比傳統牙cool  美觀/ 可以在脫牙位度裝假狗(有粒白色膠代替住先) /
唔會容易整傷口腔。

傳統牙cool資料: 牙醫手動調較鋼線。
記得當時咨詢既第一位牙醫話我知 如果我想cool快d 佢可以盡量每次幫我較緊d
我既情況係基本要cool 9個月 佢話可以幫我縮減到6-7個月
大前提係你要忍得痛。

隱適美資料: 2星期換一次牙cool。
而牙cool係由美國製造, 而全部既cool 會係你上cool前一次過整哂 送返黎hk
我既牙醫建議我食野都要帶住, 但有朋友既牙醫建議佢食野就徐底。

第二步: 選擇牙醫

三位咨詢費用FREE~
咨詢一
: 佢係一位十分出名的牙醫, 相信佢出名都係佢手工好好
我去到檢查時亦真的有不少人喔!! 但正因如此我冇簡佢
係因為佢唔休做既關係? 佢好像好趕 姑娘唔太友善......
都未諗得切問題牙醫已走了 印象中佢好似唔係一間間房的 只係有個布遮住圍住。
佢建議我既cool牙方法 小妹太唔中意了~~~~
而且我前後去左做2次咨詢 2次既建議方法都係唔一樣
第一次話我不能cool牙( 害我白擔心一場) 第2次建議用鋼線 - -!!!
不過我有個做相關行業既朋友 第一就推薦我搵佢! 相信佢手工真的不錯喔! 真係要睇人夾人了~

咨詢二: 正是小妹現在的牙醫, 由於我有介紹人 所以有9折!!

牙醫初步檢查完後 同你大約分析點做, 之後就由姑娘帶你到一個房仔單獨暢細解釋
可能我做足資料搜集 我問左好多好多問題 姑娘都可以一一解釋比我聽
或者係佢比到我安心 令我選擇左佢~
價錢$$亦十分合理! COOL牙期間可以FREE 洗牙
你要對住牙醫成年幾兩年 冇理由我次次都戰戰兢兢咁去見醫生架MA
當然我亦有問過我牙科界朋友, 佢話依位都係十分好的選擇 只係第一位醫生經驗就多D

咨詢三: 建議方法同我現在的牙醫一樣 但係收費超出我既預算
環境十分好 好專業高級既感覺 好似好多明星都係搵佢tin~

我建議各位sis 一定要咨詢幾個唔同既牙醫!! 簡d free咨詢費既了解
睇下各牙醫既建議方法一唔一樣 選一個自己最放心 最岩自己既plan~
唔好盲目跟人地話邊個好就簡邊個 人地好唔代表你好!  慢慢選擇不用急
始終cool牙真係一筆大數 而且cool得唔開心都無補於事架喇!!!!

過程: (我已經唔係好記得)
大約係照x-ray / 印牙模 / send牙齒資料去美國 / 等睇片( 預期效果) (一定要去睇) / 確認後先上cool 。

隱適美人人都適合嗎?
唔係的! 唔係每個人都做到隱適美。而坊間亦流傳話唔太嚴重既case先可以做到
(當時我都擔心自己做唔到) 而我既牙醫話基本上大部份既case都可以做到 eg 倒及牙
佢話因為隱適美十年前已有 但因為技術未成熟 所以未咁流行。
但依家技術愈來愈好 亦有唔小成功例子 所以大部份都可以。

隱適美夠力拉動牙齒嗎?
在未cool前 我亦怕隱適美吾夠力拉 因為我既情況要足足拉一個牙位
而在coo緊既前期 我仍然擔心緊依個問題 因為隱適美每次只係郁好小好小
都要等一段頗長既時間先見到後果 我既情況係 around半年
但過左依段懷疑時間後 我就深深感受到 隱適美係真係夠力
有明顯既變化!!  大前提係你要夠耐性 願意等。
而且有attachment既附助 有必要時會加橡根(唔係人人要) !


隱適美係咪真係咁方便 又可以食到咖哩 食咩都得?
答案係可以食到咖哩 香口膠等等 (一定要徐cool )。
但不能稱上方便 甚至我覺得不太方便。
每日可以徐COOL既時間只有兩小時 對於我咁大食的人夠用嗎?當然不夠!!!
而且每次食完野必須 必須清理口腔同牙COOL 因為D野食係會走入個COOL的
特別係食SUSHI時果D紫菜 真係嚇死我.....
如果係街 我就會浪下口同用清水沖下個COOL 其實真係幾麻煩
如果係屋企 就會食完刷牙 or 徐cool後 飛快地食
務求帶cool到最耐既時間!!!!!!!!!!!!!!!!!!!!!!!!!( 比左$黎架ma )
而傳統牙COOL 就節省左洗COOL依個部份
不過仍然要浪口同用牙簽清理涉入左粒粒度D食物。

隱適美個COOL係會染色既
如果我每日正常帶住個COOL食野 多數第4/5日就會黃黃地
不過係可接受的黃。

如何清理隱適美?
我每晚訓教前都係會用牙膏刷個cool , 新cool頭果4-5日都好快擦得乾淨
但5日後就感覺難擦好多 好像擦極都係有小小積 不過仍然可以擦掉 擦既時間耐d而己。
帶cool時避免食邊d野?
食燒賣同薯片。(我有慘痛的經歷,個COOL染到變左瑩光色) / SUSHI果D紫菜/ 咖哩/ 香口膠/ 可樂/ 奶荼/ 叫牛排盡量小點黑椒汁


4/1/2015更新我勁白痴~帶到第25個COOL要換26時 唔小心帶錯左第27個 直接MISS左一個冇帶~
牙醫"話"當然唔可以再發生依個問題,但冇帶一個都唔影響~
原來帶錯COOL既時候感覺真係唔同架,雖然帶得落但會FEEL到小小唔岩位
所以SIR如果感覺唔對路真係要望個個包裝~

7/3/2015更新
早幾日上去傾REFINEMENT牙醫話我cool得好好~ 不過仲有d拿仔收得唔夠埋
所以可能要再帶多15個~~ 由於cool牙期間 牙齒真係黃左小小 唔係黃到真係明顯好黃既程度
係我本人原本牙齒算係好白果種 見到有變化 所以我要想方法白返佢!!!
(基本上cool緊牙既朋友都會facing牙齒變黃左既問題)
牙醫offer左我一個方法 就係向佢地買一個美白牙齒既野 "支"係個牙cool上面帶1個鐘~~
成個療程約一個月 佢話效果好顯著架~~ 等我買左返黎試下work唔work啦再同你們分享啦~

27/7/2015 更新小妹已到REFINEMENT既階段喇 有新一批total 13個cool~
姑娘話頭3個cool每個一定要帶足2星期, 如果進度好 打後既cool可以每一星期換一次。

最後階段!!!!20/8/2015
哈哈! 真係可以一星期一個COOL喇~~而最後兩個COOL可以帶OR唔帶~~
最後階段!!!!11/12/2015

時間真係過好快 當初係度同大家分享 話咁快下星期14號就cool完喇yeah~~
想同大家講漂牙個度係work架~~ "吱"係個cool度每日帶4-6個鐘 有時候我會訓教既時間帶 記得要較鬧鐘起身唔好帶過時間~ 維期一個星期~ 初頭漂完牙齒係會好白 但唔好比佢呃到呀 會回落架 不過都係比未漂之前白左 而且自然d!! 姑娘話同出面買到個d美白牙貼原理差唔多 只不外面個d比較傷同效果冇咁明顯~ 提提大家 如果cool牙中 牙齒上有attachment 就唔好漂牙住喇 會唔均勻架!




**************************************************3/7/2015
由於最近好忙呀 常常遲回覆大家既留言 (SORRY!!)
如果sis好趕急可以直接send msg比我 咁我就可以即時回應大家喇
我FACEBOOK: blair cheung
我IG: Alisoncot




以上我打既都係自己小小心得同經歷 不能作準! 最實際問牙醫。
圖片後加 依家太夜了~~
如果有問題關於傳統牙cool 我試幫手問身邊果位cool傳統既朋友
有隱適美既問題 我地互相交流下心得 or 我問我的牙醫
真心想幫助到大家
希望大家都可以搵到一個最最最適合自己的牙醫同笑得燦爛
我咁長氣你地都睇到依度 好感動呀~~~
如果可以比個like我就好喇謝謝!!














回覆
+ Favorite

舉報

註冊日期: 2012-12-31

發表於 2014-6-2 13:51 來自手機 | 顯示全部樓層
Sis, 可唔可以比你以家個牙醫d 資料我ah?  Thx

註冊日期: 2014-5-31

 樓主| 發表於 2014-6-3 19:32 | 顯示全部樓層
已PM 希望幫到你

註冊日期: 2009之前

發表於 2014-6-3 20:35 | 顯示全部樓層
我都想要牙醫資料. pm pls^^

註冊日期: 2014-5-31

 樓主| 發表於 2014-6-3 22:21 | 顯示全部樓層
已PM 希望幫到你

註冊日期: 2009之前

發表於 2014-6-4 11:35 | 顯示全部樓層
我都想要3位牙醫既資料同埋價錢呀, PM me plz, thank you!

註冊日期: 2009之前

發表於 2014-6-4 14:02 | 顯示全部樓層
我都想要牙醫資料. thanks

註冊日期: 2012-6-5

發表於 2014-6-4 17:28 | 顯示全部樓層
pls pm, thx!!

註冊日期: 2014-5-31

 樓主| 發表於 2014-6-4 18:53 來自手機 | 顯示全部樓層
已pm各位:)

註冊日期: 2012-10-27

發表於 2014-6-4 22:53 | 顯示全部樓層
pm pls, thank you very much

註冊日期: 2009之前

發表於 2014-6-5 07:42 來自手機 | 顯示全部樓層
我箍緊第二個箍咋,感覺好漫長

註冊日期: 2014-5-31

 樓主| 發表於 2014-6-5 17:05 來自手機 | 顯示全部樓層
lavendee 發表於 2014-6-4 22:53
pm pls, thank you very much

已pm

註冊日期: 2014-5-31

 樓主| 發表於 2014-6-5 17:06 來自手機 | 顯示全部樓層
本帖最後由 haana 於 2014-6-5 17:54 編輯
~TCBY~ 發表於 2014-6-5 07:42
我箍緊第二個箍咋,感覺好漫長


一開始既時候真係好漫 我44個cool等到頸都長先有效果睇

註冊日期: 2014-6-5

發表於 2014-6-5 20:51 來自手機 | 顯示全部樓層
請問你當時有無剝牙/磨牙?

註冊日期: 2009之前

發表於 2014-6-5 21:22 來自手機 | 顯示全部樓層
haana 發表於 2014-6-5 17:06
一開始既時候真係好漫 我44個cool等到頸都長先有效果睇

我共廿六個箍,都擔心冇效果,你每帶新箍時會庳幾耐?

註冊日期: 2014-5-31

 樓主| 發表於 2014-6-5 21:32 來自手機 | 顯示全部樓層
noelwingyin 發表於 2014-6-5 20:51
請問你當時有無剝牙/磨牙?

我有剝一隻 ,去到中段大約20個cool就磨左門牙 但磨好小好小 磨既時候都無感覺的!

註冊日期: 2014-5-31

 樓主| 發表於 2014-6-5 21:37 來自手機 | 顯示全部樓層
~TCBY~ 發表於 2014-6-5 21:22
我共廿六個箍,都擔心冇效果,你每帶新箍時會庳幾耐?

吾洗擔心!你咁小cool應該好快就見到效果!!26個真係好小好好ar 我想快點cool完 :( 我好奇怪架 多數新cool帶左兩三日先酸酸地 酸一兩日就無野了

註冊日期: 2009之前

發表於 2014-6-6 12:02 | 顯示全部樓層
haana 發表於 2014-6-5 21:37
吾洗擔心!你咁小cool應該好快就見到效果!!26個真係好小好好ar 我想快點cool完 :( 我好奇怪架 多數 ...

我第二個箍都係庳半日咋...我驚唔岩呀@@

註冊日期: 2014-5-31

 樓主| 發表於 2014-6-6 22:05 來自手機 | 顯示全部樓層
~TCBY~ 發表於 2014-6-6 12:02
我第二個箍都係庳半日咋...我驚唔岩呀@@

哈哈我都有問過姑娘 佢話可能係我適應能力強同忍得痛!

註冊日期: 2014-6-6

發表於 2014-6-6 22:34 來自手機 | 顯示全部樓層
下個禮拜先第二個cool,有排都未見到成果
您需要登錄後才可以回帖 登錄 | 註冊

News
Feature
Blog
Load more
 
NOTIFICATION