近年轉戰影壇的鄧麗欣（Stephy），日前相隔16年再次舉行限定一場演唱會，有不少圈中人都到場支持，不過最觸目必定是昔日Cookies成員Miki、Kary、Angela、Gloria、Elaine都到場支持，馬上掀起不少90後的童年回憶！而今次是Miki與Kary傳不和後首次同框，二人大方合照兼坐埋一齊睇騷。

Stephy在演唱會上唱出超過30隻代表作，當中包括《電燈膽》、《不要離我太遠》及《最後一磈》等等。其中《電燈膽》想當年因為Stephy每次唱live都走音，搞到被網民封為「鄧走音」。今次在演唱會再次唱出時唱功未算大有進步，但歌迷依舊收貨，紛紛留言話「入去都係聽回憶」。

至於Miki與Kary早年傳出不和後首次同框，同樣成為焦點。過去有傳聞Kary在2016年被爆小產後，懷疑有身邊人爆料，矛頭直指Miki，自此二人多年未有同框過，令傳聞甚囂塵上。所以今次二人一齊到場支持好姊妹Stephy，算是破冰合體！