每年美國電影網站TC Candler都會舉行「全球百大俊男／美女」排行榜，去年被封為「亞洲水行俠」的緬甸男模Paing Takhon、BLACKPINK成員Lisa獲冠軍。而今年香港人氣男團MIRROR全部成員都有份入圍，令不少鏡粉十分開心！

除了MIRROR成員外，就連ERROR的193和保錡都有份入圍。如果最後連肥仔(梁業)和Dee哥何啟華都獲提名，咁就真係好睇啦！

有不少網友睇完入圍名單後都認為主辦單位的公信力不足，紛紛留言話好想知入圍準則！據TC Candler所列出的規則，其實大家可以在Youtube或者IG提名自己偶像之餘，就連朋友同親人都可以，不過呢個唔包一定成功入圍。

正所謂「用錢可以解決嘅就唔係問題」，TC Candler都有另一個課金plan比大家揀，只要每個月指定金額就保證可以獲提名，任何人都可以入圍，而且25蚊美金有交易，大家可以試下！