Celebrities News

Marf@COLLAR現身首爾時尚活動 恨同朴寶劍起舞

By Wonmin

9 February 2023


香港女團COLLAR各成員工作浪接浪,繼Day許軼與Candy王家晴日前飛抵韓國首爾拍攝旅遊節目後,Marf邱彥筒最近亦獲時尚品牌FENDI邀請,慶祝品牌在首爾首間旗艦店PALAZZO FENDI SEOUL隆重開幕,昨晚Marf與吳家忻到韓國東大門設計廣場出席派對活動,同場還有韓國藝人李敏鎬、宋慧喬、安俞真、金多美及Zico等,曾是韓劇迷的Marf表示未出發先興奮,笑言此行感覺夢幻。

首次出埠參與時尚品牌活動的Marf,透露出發前一晚興奮致徹夜難眠:「好緊張,好驚帶漏嘢!實在太驚喜,始終第一次出埠進行呢類活動,好感恩所有嘢都安排好齊全,團隊亦對我照顧周到。」雖然此行短暫,但Marf能夠衝出香港,到外地出席活動,跟不同背景、不同國家、不同單位的人溝通,絕對是擴濶眼界,Marf亦透露為了今次旅程,事前做足準備,重溫了過往曾經有興趣的韓文。

探Candy Day班齊消夜

此行最叫Marf感興奮,莫過於跟一眾韓國藝人同場,過往曾是韓劇迷的她大叫感覺夢幻,Marf表示:「以前好鍾意睇韓劇,呢一兩年少睇咗,不過現場韓國演員演嘅作品,我都有追過;能夠見到佢哋,感覺好特別,因為韓劇對於我同好多人嚟講,都係好夢幻世界,能親眼見到佢哋,感覺好似好唔真實咁,但同時又真實得好緊要。」而云云韓國藝人當中,Marf表示最希望跟朴寶劍合作,她說:「留意咗佢好耐,由佢做模特兒工作、唱歌演出、跳舞演出、劇集,全部都有睇,以前我好鍾意佢,知道佢工作態度好有禮貌,好有風度、專業,好值得學習,希望首先可以同佢拍戲,然後同佢一齊影相,跟住再同佢一齊唱歌跳舞,雖然跳舞唔係佢主線,但佢跳舞係好得意。」


此外,提到兩位隊友Day與Candy亦同在韓國工作,問到Marf可有抽時間探望對方?Marf透露今次行程中,她除了有爭取時間品嚐韓國美食,亦有去探班與Day、Candy見面,Marf透露:「難得大家出埠都喺同一個地方,要睇吓佢哋過成點,尤其特別擔心Candy,佢第一次自己出埠,所以探吓佢哋,一齊食消夜。」

BY Wonmin

9 February 2023